बिजली करंट लगण से बखर मौत, पोस्टमार्टम कराण बाद मिलल काश्तकार तै बखर मुवावजा

यमकेश्वर प्रखंड क ग्राम तल्ली आमडी मा पूर्व प्रधान श्री बलबीर सिंह पयाल सुबेर अपर बखर चराण कुणी अपर पुंगड बिटी बण तरफ़ जाणा छ्यायी तबरी अचाणचक उक बकरी अचाणनक करंट चपेट मा आण से उखमि दम तोड़ द्याय जैक बाद काश्तकार न तत्काल बिजली विभाग क जे ई कुणी मौका पर फोन करी कन घटना की जानकारी द्याय लेकिन घटना संज्ञान लेकन अधिकारी न बलबीर पयाल तै धमकाण शुरू कर द्याय अर ब्वाल कि अगर तुम तै मुआवजा चियाँण त बखर पोस्टमार्टम कराव।

Loading...

समाज सेवी क्रांति कपरवाण न अधिकारी दगड़ी जब मीन फिर बात करी त उन फिर से पोस्टमार्टम कन की बात ब्वाल अर बिजली लाइन तै सुचारू कन कुणी कर्मचारी मौका पर भेज देन , लेकिन गाँव लोगुन मौका पर अयू कर्मचारियूँ तै काम कन से रोक द्याय की अर ब्वाल कि पैल प्रशासन बखर पोस्टमार्टम कराण अर मौका पर सक्षम अधिकारी तै भेजी कन लिखित मुवावजा तय करी कन लिखित मा आश्वाशन द्याल तब जैकन बिजली लाइन सुचारू करे जाली, तब तक कुणी बिनक से लेकन नीलंकठ गट्टूघाट तकन बिजली व्यवस्था ठप रैली। गांव लोगू बुलण च की आज बखर जगह इंसान की जान भी जै सकदी छेईं तब पोस्टमार्टम कू करदू ??अब गांव लोग जिद पर अड्या छन कि जब तकन प्रशासन बखर पोस्टमार्टम नि करदन तब तकन बिजली बाधित रैली।

Loading...

Leave a Reply

Your email address will not be published. Required fields are marked *