खुश खबरीः उत्तराखण्ड मा जल्द ह्वेली प्रवर्तन सिपहियूं भर्ती

परिवहन विभाग मा जल्द ही प्रवर्तन सिपैयूं भर्ती रस्ता खुलण की उम्मीद च। प्रदेश मा प्रवर्तन दलूं की सख्ंया बढाण खातिर विभागीय ढांचा मा परिवर्तन करी कन नै पदूं सृजन प्रस्ताव शासन मा एथर बढी ग्यायी। ये प्रस्ताव पर कार्मिक विभाग अपरी सहमति दियाली। अब फाईल वित्त विभाग मा च, जख बिटी सहमति मिलणी की पूरी उम्मीद च। खबरयों मणे जाव जल्द ही ढांचा मा बदलाव संबधी प्रस्ताव कैबिनेट समणी लैकन पारित करे जाल।
प्रदेश क पर्वतीय क्षेत्र मा लगातार हूण ह्वाळ सड़क दुर्घटना तै देखी कन हाईकोर्ट न तकरीबन दस मैना पैल परिवहन विभाग तै सब्बी तहसीलू मा प्रवर्तन दल गठित कना निर्देश देन। ये क्रम मा परिवहन विभाग न प्रदेश की सब्बी तहसीलू मा प्रवर्तन दल तैनात कना हिसाब से सब्बी संभागीय अर उप संभागीय कार्यालयूं से प्रस्ताव मंगीन। द
दरअसल बात या च कि विभाग मा अजों केवल 21 प्रवर्तन दल ही सक्रिय छन। यन मा विभाग तै 57 नै प्रवर्तन दल बणाणन। एक प्रवर्तन दल मा एक परिवहन अधिकारी दगड़ी तीन सिपै एक ड्रेवर अर एक गाड़ी रखणा मानक छन। इलै कि विभागीय ढांचा मा इथगा पद नी छन, ये खातिर ढांचा मा परिवर्तन कना प्रस्ताव शासन कुणी भिजे ग्यायी। ये प्रस्ताव मा परिवहन कर अधिकारियूं क पदू तै बढाण दगडी प्रवर्तन सिपै की पदोन्नति कुणी नै पदूं क सृजन भी शामिल करे ग्यायी। कार्मिक विभाग न शुरूआत मा ये बाबत कुच्छ सुझाव देन, जैक बाद विभाग न संशोधित प्रस्ताव शासन खुणी भेजी याल। ये पर कार्मिन न अपरी सहमति दियाल। खबरयों की मने जाव त ढांचा मा तकरीबन दो सौ पदूं तै बढाण की संभावना च। यूं पदूं बढण से नै पढवळी तै भी रोजगार पाण मौका मिली जाल।

Loading...

Leave a Reply

Your email address will not be published. Required fields are marked *