उत्तराखंड मा शिक्षा व्यवस्था अस्त व्यस्त, अंग्रेजी प्रवक्ता तै बैजरो भीजण पर भड़किन अभिभावक, डीईओ करी घेराव

उत्तराखंड मा शिक्षा व्यवस्था अस्त व्यस्त, अंग्रेजी प्रवक्ता तै बैजरो भीजण पर भड़किन अभिभावक, डीईओ करी घेराव

बैजरो। जीआईसी स्यूंसी मा तैनात अंग्रेजी प्रवक्ता तै जीआईसी बैजरो भीजण से नाराज अभिभावकू न जिला शिक्षा अधिकारी (डीईओ) का घेराव करी। ये दौरान डीईओ अर अभिभावक बीच खूब तुड़म तुड़ा भी ह्वाई । अभिभावक न डीईओ पर उ दगड़ी अभद्रता कन आरोप लगे कन ब्वाल कि अगर पैल जणी व्यवस्था बहाल न करे जाण पर भोळ बिटी आंदोलन शुरू कन चेतावनी देयी । डीईओ न अभिभावको दगड़ी अभद्रता कन बके तै निराधार बतायी ।

शुक्रवार कुणी अभिभावकों न जीआईसी स्यूंसी मा उरयी बैठक मा शिरकत कन खातिर अया मुख्य शिक्षा अधिकारी मदन सिंह रावत घेराव करी। अभिभावक संघ अध्यक्ष जगदीश बिष्ट अर होर अभिभावकों न ब्वाल कि बैजरो छात्र अर अभिभावक विद्यालय मा शिक्षकों कमी चलद आंदोलित छ्यायी अर उन खंड शिक्षा अधिकारी कार्यालय बीरोंखाल मा ताला बंदी करी छेयी। शिक्षा विभाग न आंदोलन तै खत्म कन खातिर स्युन्सी तैनात अंग्रेजी प्रवक्ता तै तीन महीना कुणी बैजरो मा अटैच कर दयायि। ब्वाल कि शिक्षक अटैचमैंट से विद्यालय मा अंग्रेजी विषय पढ़ाई प्रभावित हूँणी। ये पर डीईओ न तुगलकी फरमान जारी करी कन द्वी वादन स्यूंसी अर द्वी वादन बैजरो मा लगाण भरोसा दयायि। ये पर अभिभावक भड़क गीन अर द्वी पक्षों बीच काफी नोकझोंक ह्वाई। अभिभावकों आरोप च कि डीईओ न उक दगड़ी अभद्रता करी। ऊंने डीईओ मदन सिंह रावत न अभिभावकों दगड़ी अभद्रता आरोपों से इंकार कर दयायि । उन ब्वाल कि पठन पाठन व्यवस्था बणाण उक काम च। बैजरो मा अंग्रेजी अध्यापक व्यवस्था बस तीन मैना खातिर करे ग्यायी।

Leave a Reply

Your email address will not be published. Required fields are marked *