यख 05 रूप्या मा मिलदू भरपेट खाणुक, या संस्था खलाणा ये अस्पताळ भैर लोगू तै 05 रूप्या मा भोजन

आज जमन मा पॉच रूप्या मॉ पुटुक भरी कन खाणुक मिल जांद या बात सुणी कन कुच्छ अटपटू जरूर लगणू पर उत्तराखण्ड हलद्वानी मा सुशीला तिवारी अस्पताळ भैर गरीब मजदूर लोग 05 रूप्या मा अपणू पुटग टम भरी कन जाणा छन। हलद्वानी मा गरीबू सेवा खातिर थाल सेवा नौ की एक संस्था न गरीब तू भरपेट खाणुक खिलाण की पहल करी। हलद्वानी मा नौ लोग मिली कन हलद्वानी क सुशीला तिवारी अस्पताळ भैर लोगू तै पॉच रूप्या टोकन देकन पुटग भरी कन खाणु खिलाणा छन। संस्था लोगू बतै कि एक दिन मा यख तकरीबन 1000 से ज्यादा लोग रोज खाणुक खैकन जाणा छन। मजदूर अर गरीब तबका बुलण च कि हम तै ठेली मा भी 30 रूप्या मा भी इथगा खाणू कू नी मिलदू जथगा 05 रूप्या मा थाल सेवा द्याणा। हलद्वानी सुशीला तिवारी सबसे बड़ू अस्पताळ च, यख कुमाउं क्षेत्र अर कुच्छ हद तकन उत्तर प्रदेश पीलीभीत अर बरेली जिला दुसांद लोग भी ये अस्पताळ मा इलाज खातिर ऐ करदन जै कारण गरीब तबका लोगू कुणी या थाल सेवा यी मंहगै मा क्वी वरदान से कम नी च। 09 लोगू न यी थाल सेवा तै हलद्वानी रैवास्यूं सहयोग से शुरू करी अर आज थाल सेवा अपणू यी सेवा भाव कारण सब्ब जगह अपणू अर उत्तराखण्ड नौ रोशन कनी।

Loading...

Leave a Reply

Your email address will not be published. Required fields are marked *