रूद्रप्रयाग रैवासी 16 बरसू आदित्य नेगी इलाज कुणी मदद खातिर एक बार फिर उत्तराखण्डी दगड़यो तै समाज सेवी रोशन रतूड़ी न लगै धाद

जब भी क्वी गरीब मनखी इलाज बाबत या वैक क्वी अपरू अस्पताळ मा भर्ती हुयूंअ अर इलाज कुणी रूप्या नी छन त सामाजिक कार्यकर्ता रोशन रतूड़ी ऐथर ऐकन लोगू की इंसानियत तै जगै कन गरीब मनख्यूं मदद करी कन मनख्यात तै जिंदा रखदन। यनी फिर एक बार रोशन रतूड़ी सोसल मीडिया मा लाईव ऐकन ये नौन इजाज खातिर अर इंसानियत खातिर उत्तराखण्डी दगड़यों से आर्थिक मदद की धाद लगै।
समाज सेवी रोशन रतूड़ी न सोसल मीडिया मा ऐकन बतै कि अब्बी जब मी फेसबुक पर लाईव औं त आदित्य नेगी बड़ी बैणी निधी नेगी जी दगड़ी आदित्य स्वास्थ्य बाबत हाल चाल पूछी राजी खुशी जाणी त पता चली कि आदित्य नेगी तबीयत बौत खराब च।
सोसल मीडिया मा ऐकन इंसानियत खातिर एक जुट एक मुठ ह्वे जाव की धाद लगै कन उन ब्वाल कि रूद्रप्रयाग रैवासी 16 साल क आदित्य नेगी नौन्याळ श्री अजय पाल नेगी, ग्राम सौरा खाल भरदार (रूद्रप्रयाग) उत्तराखण्ड क च। आदित्य बाबत डॉक्टर न बतै कि यी नौन बौन मेरो बीमरी से पीड़ित च अर जैकू एकमात्र इलाज ऑपरेशन ही च। पिछल द्वी साल बटी पीआईजी चण्डीगढ अस्पताळ मा इलाज चलणू।

Loading...


आदित्य पॉच बैण्यूं क एक ही भुला च, पिता घर्या किसाण च, यून अर यूंक रिश्तेदारू न मिली कन लगभग 14-15 लाख रूप्या दवै पर ही खर्च करी येन। 15 लाख त ऑपरेशन की खर्च च वैक बाद दवै कथगा दिन चलल वैक अजों क्वी पता नी च। आदित्य की एक बैणी बटी ट्रांसप्लाण्ट करे जाल, अक्टूबर बटी ऑपरेशन तैयरी हूणी पर रूप्यों अभाव मा यू ऑपरेशन नी ह्वे पाणा। एस्टीमेट की एक कॉपी अक्टूबर बटी निर्माण सदन दिल्ली जयीं च वख फंड नी हूण से वेटिंग चलनू।
आदित्य कू ऑपरेशन बगत सिंरा कन पड़ल। बच्चा बौत कमजोर च, खून चढै चढै कन इन्फेक्शन हूण डऽर च। रोशन रतूड़ी ऐथर अपील करी कि म्यार सब्बी देवतुल्य दगड़यो से प्रार्थना च कि ये भुला क इलाज खातिर सब्ब लोग ऐथर ऐकन स्वेच्छानुसार मदद करो। हम सब्बी उत्तराखण्डी लोगू तै मिलीकन आदित्य तै एक नै जीवन दीण पड़ल। तुम सब्यूं न कत्ती बार दीन दुखियूं की मदद करी अब ये भुला तै तुमर सार क जरूरत च। इंसानियत से बड़ू क्ची धर्म नी च। अगर भगवान दियू सब्ब कुच्छ च, जथगा ह्वे सको ये भाई जिंदगी बचाण कुणी दान जरूर कर्यां। तुमर दीयूं यू दान आदित्य तै दे सकदू जीवनदान।
ये खाता मा तुम अपर तरफ बटी दान कर सकदा।
खाता धारक नाम- निधी नेगी।
खाता नम्बर- 35486450037
आईएफएस कोड एसबीआइएन 000731
स्टेट बैंक ऑफ इण्डिया, सुमाड़ी भरदार रूद्रप्रयाग
फोन नम्बरः 7830372355

Loading...

Leave a Reply

Your email address will not be published. Required fields are marked *