उत्तराखण्ड पूर्व मुख्यमंत्रियूं तै नी मिली हाईकोर्ट बिटी राहत, अब जमा कन पड़ल किराया

हाईकोर्ट न राज्य पूर्व मुख्यमंत्रियूं सरकरी आवास अर होर सुविधौं बकाया माफ कन ह्वाळी पुनर्विचार याचिका खारिज कर दीये ग्यायी। या याचिका पूर्व मुख्यमंत्री विजय बहुगुणा अर भगत सिंह कोश्यारी तरफ बिटी दायर करे गे छेयी। मुख्य न्यायधीश रमेश रंगनाथन अर न्यायमुर्ति रमेश चन्द्र खुल्वे खण्डपीठ न आज फैसला सुणै कन पुनर्विचार याचिका निरस्त करी द्यायी। येक बाद अब पूरण मुख्यमंत्रियूं तै बकै किराया जमा कन ह्वाल। बहुगुणा क आवास किराया हर मैना हिसाब से करीब 39 हजार निर्धारित करे ग्यायी। कोश्यारी पर कुल 47 लाख अर विजय बहुगुणा पर 37 लाख बकै छ।
बतै दिवां कि पूर्व मुख्यमंत्री भगत सिंह कोश्यारी अर विजय बहुगुणा न हाईकोर्ट मा पुनर्विचार याचिका दायर करी, जै मा उन पूर्व मुख्यमंत्री कार्यकाल किराया बाजार दर पर वसूलणा आदेश पर पुनर्विचार की अपील करी छेयी। पूर्व मुख्यमंत्री भगत सिंह कोश्यारी न अपरी पुनर्विचार याचिका मा ब्वाल कि उंसे 30 हजार पॉच सौ रूप्या प्रतिमाह दर से वसूल करयाणा छ। कोश्यारी न ब्वाल कि उं तै जू आवास मिली छ्यायी वा सिंचैं विभाग सम्पत्ति छ अर किराया भी सिंचाई विभाग तै वसूलण चिंयाद। पूर्वसीएम विजय बहुगुणा न भी बाजार दर पर किराया वसूलण क आदेश पर पुनर्विचार क अपील करी छेयी।

Leave a Reply

Your email address will not be published. Required fields are marked *