पूर्व सीएम हरीश रावत, राजभवन से 50 मीटर दूर इखुली धरना पर बैठीन

पूर्व सीएम रावत जब आज राजभवन मा सांकेतिक धरना दीणा खातिर निकळीन, लेकिन पुलिस न बैरियर लगैकन उंते रस्ता मा ही रोक द्यायी। ये से नाराज ह्वेकन हरीश रावत वखी सड़क मा धरना पर बैठ गीन। ये दौरान उन ब्वाल कि मी यख बिटी नी उठण ह्वाळ। या त मी तै 50 मीटर ऐथर डाळ समणी धरना पर बैठलू या फिर यख बिटी जेल जौल।

जैक बाद उंते राजभवन बिटी 50 मीटर दूरी पर बैठण की इजाजत मिली ग्यायी अर हरीश रावत वा धरना पर बैठ ग्यायी। कांग्रेस पूर्व अध्यक्ष किशोर उपध्याय, कैप्टन बलबीर सिंह रावत, पूर्व मंत्री मातवर सिंह कण्डारी, अर दसोनी, हरीश रावत तै मिलणा बाबत धरना स्थल पर पौंछीन।

सोमवार ब्यखन बगत फेसबुक पर जारी विडियो मा हरीश रावत न बोल छ्यायी कि उ सांकेतिक धरना मा अकेला ही बैठल। रावत न ब्वाल कि विपक्ष आवाज तै दबै नी सक्यांद। रावत न वीडियो मा गायी कि – सरफरोशी की तमन्ना अब हमारे दिल में है देखना है जोर कितना बाजु- ए- कातिल में है।

पूर्व मुख्यमंत्री हरीश रावत न ब्वाल कि विपक्ष आवाज तै दबाणा की कोशिश करयाणा। सोमवार कुणी उ बैलगाड़ी मा भगवान शिवजी दर्शन खातिर गे छ्यायी। दगड़यों न मास्क सेनेटाईजर, सोशल डिस्टेंस सब्यूं पालन करी। फिर भी मुकद्मा दर्ज करये ग्यायी । उन ब्वाल कि येक बाद उ अगल दिन पेट्रोल पंप पर विरोध जताणा खातिर पौंछल।

Loading...

Leave a Reply

Your email address will not be published. Required fields are marked *