ये पूर्व शिक्षा मंत्री न करी सुन्दर काम, अपर घऽर मा गढवळी, कुमाऊनीं अर जौनसारी पढाण की व्यवस्था करी

पूर्व मंत्री, मंत्री प्रसाद नैथानी न अपर घऽर मा नौन्याळूं तै गढवळी, कुमाउनीं अर जौनसारी भाषा पढाण क कार्यक्रम शुरू करी। उन ब्वाल कि उ रोज ब्यखन बगत 04 से 05 बजे तकन अपर घऽर म गढवळी कुमांउनी, अर जौनसारी पढये जाली। दून मेडिकल कॉलेज क असिटेण्ट प्रोफेसर डॉ0 एम0के0 पंत कुमाऊनीं अर कारोबारी विनोद चौहान जौनसारी पढाल। मंत्री प्रसाद नैथाणी न ब्वाल कि शिक्षा मंत्री छ्यायी वै बगत स्कूली शिक्षा क पाठ्यक्रम मा गढवळी,कुमाऊनीं अर जौनसारी भाषा तै जुड़न की पहल करी छेयी। हालांकि आचार संहिता लगण कारण उ ये अभियान तै ऐथर नी बढै सकीन। उन ब्वाल कि पिछल साल उ सूचणा छ्यायी कि सरकार ये दिशा मा क्वी पहल करली, लेकिन कुच्छ नी ह्वे जाणी। जै कारण उन खुद गढवळी, कुमाऊनी अर जौनसारी भाषा तै संरक्षण दीणा खातिर ऐथर आण पड़ी। उन ब्वाल कि संविधान की आठंवी अनुसूची मा गढवळी, कुमाऊंनी अर जौनसारी बोली तै रळाण कुणी प्रदेश स्तर पर यन कलास चलाण की योजना बणाणा छन।

Loading...

Leave a Reply

Your email address will not be published. Required fields are marked *