गढ़वली साप्ताहिक राशिफल (04 नवंबर 2018 बटि 10 नवंबर 2018 तक)

वि. सं.- 2075 | शाके – 1940 | मैना – कार्तिक | ऋतु – हेमंत ।

मेष-
(च, ल अर अ अक्षर बटि शुरु हूण वला नौ )-
नौकरी पेशा लोगों कु भाग्योन्नति कु बगत च, धन लाभ क स्थिति स्पष्ट रुप से दिखेणि च, सामाजिक, आर्थिक क्षेत्र मा आशातीत वृद्धि, दांपत्य जीवन सुखद होलु, कुटुमदरि मा दाना सयेणों कु स्वास्थ्य कु ख्याल कर्यां ।।
शुभ अंक – 04
शुभ रंग – लाल ।।

वृष-
(ई, उ, ए, ओ अर व अक्षर बटि शुरु हूण वला नौ )-
बुध अर गुरु क दृष्टि गत हूण से कठिन संघर्ष क वावजूद गुजरा लैक आमदनी ह्वेलि, स्त्री अर संतान सुख खूभ मिललू, नै काम ख्वजण से आर्थिक पक्ष मजबूत ह्वालु, बिगडया रिश्ता सुधरला ।।
शुभ अंक – 6
शुभ रंग – संतरी ।।

मिथुन-
(क, घ, ङ, छ अर ह अक्षर बटि शुरु हूण वला नौ)-
खूभ भागदौड कना बाद भि गुजर बसर कन लैक धन मिलणा की संभावना, कै खास मनखि दगड सुख क क्षण बी तला, अपडा मकसद मा जरुर कामयाबी मिललि, नै नौकरी कु जुगाड़ ह्वै सकंद ।।
शुभ अंक – 6
शुभ रंग – पिंगलु ।।

कर्क-
(हि, हु,हे, हो अर ड अक्षर बटि शुरु हूण वला नौ)-
कारोबार मा फैदा होलु, भिंडया दिनों बटि रूक्या काम पूरा ह्वे जाला, जरा शारीरिक थकावट मैसूस करिल्या, नै वाहन क खरीदारी करण शुभ रालु, कुटुमदरि मा क्वी नै सुखद खबर सुणणा की मिलली ।।
शुभ अंक – 1
शुभ रंग – हारु ।।

सिंह-
(म अर टा, टी, टू, टे अक्षर बटि शुरु हूण वला नौ)-
आलस से बच्यां, निर्वाह लैक धनोपार्जन होलु, कुछ संतान संबंधी परेशानी ह्वे सकंद, क्वी शुभ समाचार मिलण से शारीरिक/ मानसिक उर्जा मा वृद्धि, धन लाभ से समाज मा पद प्रतिष्ठा बढलि, रोजगार संबंधी समस्याओं कु अंत होलु ।।
शुभ अंक – 6
शुभ रंग – गुलाबी ।।

कन्या-
(टो, ठ, ण, ष अर प अक्षर बटि शुरु हूण वला नौ)-
बच्चों क तर्फ बटि क्वी नै खुशखबरी मिलि सकंद, संघर्ष क वावजूद धन लाभ कु योग, गज केसरी योग हूण से धन संबंधी क्वी दिक्कत नि आलि, आय क नै साधन उपलब्ध ह्वाला, पारिवारिक जीवन सुखद ह्वालु, कखि दूर यात्रा फरि भि जै सकदौ ।।
शुभ अंक – 11
शुभ रंग – सफेद ।।

तुला-
(र अर ता, ति, तु, ते अक्षर बटि शुरु हूण वला नौ ।।
सूर्य अर शुक्र क संचार हूण से व्यापार मा लाभ क समय चलणु च, नै कारोबार क शुरुआत कना कु भलु मौका, कै खास प्रोजेक्ट मा शामिल ह्वेकि मनमानी नि कर्यां नथर नुकसान भोगण प्वोडलु ।।
शुभ अंक – 8
शुभ रंग – सिलेटी ।।

वृश्चिक-
(तो, या, यी, ये अर न अक्षर बटि शुरु हूण वला नौ)-
व्यापार या कारोबार मा उन्नति कु बगत चलणु च, कार्यक्षेत्र मा प्रतिष्ठा बाढलि, जै काम तै चुनौती क रुप मा लेल्या वेमा सफलता मिललि, नै दोस्त बणला, कखि तीर्थ यात्रा भि ह्वै सकंद ।।
शुभ अंक – 14
शुभ रंग – समुद्री हारु ।।

धनु-
(ये, यो, धा, ढ,भा, भी, भे, भू अर फ अक्षर बटि शुरु हूण वला नौ)-
भै बंदौ अर कुटुमदरि वलु दगड मनमुटौ ह्वै सकंद, बाकि कार्यक्षेत्र मा निजी संबंधों मा आत्मीयता हूण से नै रिश्ता बणि सकंद, क्वी अपड बण्युं बुण्युं काम बिगाडि सकंद ।।
शुभ अंक – 1
शुभ रंग – अगाशी नीलू ।।

मकर-
(भो, जा, जी, गा, गी अर ख अक्षर बटि शुरु हूण वला नौ)-
एकादश भौ मा बुध अर गुरु क योग बणण से वैवाहिक जीवन का पल खुशी मा बितला, धन लाभ अर पदोन्नति कु योग, कुटुमदरि वला सैयोग द्याला, जुबान फरि कंट्रोल कर्यां नथर बडी भारि हानि उठाण पोडि सकंद ।।
शुभ अंक – 14
शुभ रंग – नीलू ।।

कुंभ-
(गो, गू, गे, दा अर स अक्षर बटि शुरु हूण वला नौ)-
कारोबार मा दिन दूणी रात चौगुणि कु बगत, व्यक्तिगत संबंध मिठास मा चालला, क्वी रुक्युं काम बणलु, कै नै काम मा अपड तर्फ बटि लापरवै नि कर्यां, नथर मान सम्मान आंच ऐ जालि ।।
शुभ अंक – 3
शुभ रंग – पिंगलु ।।

मीन-
(दि, दु, थ, झ,ञ, दे, दो, चा अर चि अक्षर बटि शुरु हूण वला नौ)-
गुरु क स्वगृही दृष्टि हूण से अचणचक धन प्राप्ति ह्वेलि, नै लोग आपक सफलता मा मदद गार ह्वै सकदि, आप कै भि नै मुश्किल काम तै करिल्या त लोग आपक बातों पर गौर कारला, आपक सामाजिक अर आर्थिक प्रतिष्ठा मा भौत जादा वृद्धि ह्वेलि, ।।
शुभ अंक – 3
शुभ रंग – लाल ।।

धन्यवाद !
इति शुभम् भूयात !!


+91 99117 87742
virendrajuyal0786@gmail.com

Loading...

Leave a Reply

Your email address will not be published. Required fields are marked *