गढ़वली साप्ताहिक राशिफल (30 सितम्बर 2018 बटि 06 अक्टूबर 2018 तक)

मेष-
(च, ल अर अ अक्षर बटि शुरु हूण वला नौ )-
परिजनों क सैयोग से काम बणला, ११ तारीख बटि देव गुरु वृहस्पति क अष्टम भौ मा विचरण कन से स्वास्थ्य मा बदलाव होलु अर कुटुमदरि मा कै दगड मनमुटौ ह्वै सकंद, अफ सचेत रैण से आपतै रोजगार मा खूभ तरक्की मिलली, नवरात्रि मा माँ दुर्गा क अखंड पाठ करण से घार मा सुख, शांति अर समृद्धि आलि ।।

वृष-
(ई, उ, ए, ओ अर व अक्षर बटि शुरु हूण वला नौ )-
साझेदारी क काम मा नुकसान उठाण प्वाडलु, नै काम करण से तरक्की ह्वेलि, नै वाहन अर मकान खरीदणा कु शुभ योग चलणु च, बेटा या बेटी कु मांगलिक रिश्ता हूण से मन मा ईष्ट देवों क प्रति श्रद्धा बढलि ।।

मिथुन-
(क, घ, ङ, छ अर ह अक्षर बटि शुरु हूण वला नौ)-
तृतीयस्थ भौ मा सूर्य अर बुध क विचरण हूण से बिजनेस अर रोजगार क क्षेत्र मा उन्नति अर धन लाभ क योग बणणु च, वर्तमान समय भलु च, कै भि नै काम खुणि जल्दबाजी करण से हानि उठाण प्वाडलि, शारीरिक कष्ट क योग च, श्री विष्णु सहस्त्रनाम क पाठ करण से धनवृद्धि मा फैदा होलु ।।

कर्क-
(हि, हु,हे, हो अर ड अक्षर बटि शुरु हूण वला नौ)-
कुटुमदरि क माबतौं कु आपस मा मन मुटौ ह्वालू, भिंडया भागदौड करण प्वाडलि, कारोबार मध्यम रालु, क्वी नै मैमान से मुखाभ्येंट हूण से ऐथर भविष्य मा फैदा होलु, शारीरिक कष्ट क योग च, संतान संबंधी परेशानी ह्वेलि ।।

सिंह-
(म अर टा, टी, टू, टे अक्षर बटि शुरु हूण वला नौ)-
सामान्य धन लाभ क योग, रोजी रोजगार मा भिंडया म्येनत क बाद आंशिक फैदा, संगीत अर साहित्य क क्षेत्र मा काम करण वला लोग तै तरक्की मिलली, कखि दूर धार्मिक यात्रा फरि भि जै सकदौ, नै वाहन खरीदणा कु शुभ योग बणणु च ।।

कन्या-
(टो, ठ, ण, ष अर प अक्षर बटि शुरु हूण वला नौ)-
सूर्य बुध क योग हूण से सब खराब काम बणला, धन लाभ ह्वालु, सामाजिक प्रतिष्ठा मा बढोत्तरी ह्वेलि, कुटुमदरि मा क्वी नै मांगलिक अर धार्मिक काम हूण से मन प्रसन्नचित रालु, शनि स्तोत्र क पाठ करण से फैदा होलु, साल भर ई राशि फर शनि क ढैय्या क असर हूण से शारीरिक कष्ट क योग च ।।

तुला-
(र अर ता, ति, तु, ते अक्षर बटि शुरु हूण वला नौ ।।
गुरु क राशि संचार हूण से भै बैणों मा आपस मा तनाव, शुक्र वक्री हूण से ये बगत जातकों तै बिल्कुल कठिन दौर से गुजरण प्वाडलू, भिंडया खर्च होलु साधारण आय कु योग, वृहस्पतिवार का व्रत लीण से
सब आर्थिक संकटो से मुक्ति मिलली ।।

वृश्चिक-
(तो, या, यी, ये अर न अक्षर बटि शुरु हूण वला नौ)-
मंगल क उच्च राशि क्षेत्र मा भ्रमण हूण से स्वास्थ्य मा लाभ, मान सम्मान मा वृद्धि, धार्मिक कामों मा मन लगलु, सुख क प्राप्ति ह्वेलि, राजयोग हूण से नौकरी मा तरक्की, या इंटरव्यू मा आशातीत सफलता मिलली ।।

धनु-
(ये, यो, धा, ढ,भा, भी, भे, भू अर फ अक्षर बटि शुरु हूण वला नौ)-
नै लोग से सतर्क रैण चैंद, धोखा मिलणा क चांस, पूजा पाठ करण से मानसिक तनाव से मुक्ति मिलली, नै नै रुकावट ऐ सकदि, आर्थिक हालत मा सुधार होलु, धन प्राप्ति ह्वेलि, आलस करण से नुकसान ह्वालु ।।

मकर-
(भो, जा, जी, गा, गी अर ख अक्षर बटि शुरु हूण वला नौ)-
कारोबार मा फैदा होलु, कार्यालय या कार्यक्षेत्र मा पुरस्कृत हूण से सामाजिक प्रतिष्ठा मा वृद्धि ह्वेलि, भूमि, वाहन क सुख मिललु, परिवार मा नै मैमानों क आण से पुरणि समस्याओं कु हल ह्वे जालु, गुरु क द्वादश भौ मा विचरण कन से कामकाज मा रुकावट ऐ सकंद ।।

कुंभ-
(गो, गू, गे, दा अर स अक्षर बटि शुरु हूण वला नौ)-
साझेदारी मा व्यापार करण से भिंडया फैदा होलु, नै योजना बणाण से भौत जादा आर्थिक फैदा होलु, नौकरी पेशा लोगों कु स्वास्थ्य कमजोर अर सीनियरों दगड तनाव क स्थिति ऐ सकंद, संयमपूर्ण व्यवहार से लाभ मिललु ।।

मीन-
(दि, दु, थ, झ,ञ, दे, दो, चा अर चि अक्षर बटि शुरु हूण वला नौ)-
रोजी रोजगार मा पार्टनरशिप मा काम करण से फैदा होलु, कुटुमदरि मा घपरोल क माहौल बणण से मन दुखी, कार्यालय मा दगड काम करण वला चंट मनखि से सतर्क रैंया, नै वाहन अर जमीन खरीदणा खुणि शुभ समय च ।।

धन्यवाद !
इति शुभम् भूयात !!


+91 99117 87742
virendrajuyal0786@gmail.com

Loading...

Leave a Reply

Your email address will not be published. Required fields are marked *