गढ़वली साप्ताहिक राशिफल (11 नवंबर 2018 बटि 17 नवंबर 2018 तक)

वि. सं.- 2075 | शाके – 1940 | मैना – कार्तिक | ऋतु – हेमंत 

मेष-
(च, ल अर अ अक्षर बटि शुरु हूण वला नौ )-
सूर्य क दृष्टि उच्च हूण से दैनिक कामों मा बढोत्तरि ह्वेलि, धन लाभ क योग च, बिजनेस मा दगडयों कु अर रिश्तादारों कु काफी सैयोग मिललु, क्रोध अर उतावलि करण से क्वी बण्युं बुण्युं काम बिगिडि सकंद ।।
शुभ अंक – 02, शुभ रंग – नीलू ।।

वृष-
(ई, उ, ए, ओ अर व अक्षर बटि शुरु हूण वला नौ )-
ये बगत कुंडली मा बुध अर गुरु क दृष्टि रुप क्षेत्र एक हि जन हूण से भौत ही संघर्ष क वावजूद गुजरा लैक आमदनी क आवत ह्वेलि, सैंणि अर नौनु कु खूब सुख मिललू, सिर दर्द अर आंखों मा कष्ट क संभावना च ।।
शुभ अंक – 7, शुभ रंग – सुनैरु पीलंगु।।

मिथुन-
(क, घ, ङ, छ अर ह अक्षर बटि शुरु हूण वला नौ)-
कुटुमदरि कि आर्थिक स्थिति म ढंगरचाल रालु, शारीरिक कष्ट कु योग, बेमतलब क झगडा, परेशानियों कु योग बणणु च, सतर्क रैंयां, कुटुमदरि मा आपस मा मन मुटौ ह्वे सकंद ।।
शुभ अंक – 3, शुभ रंग – नीलू।।

कर्क-
(हि, हु,हे, हो अर ड अक्षर बटि शुरु हूण वला नौ)-
शुभ मांगलिक कामों फरि खर्च होलु, कुटुमदरि क सब माबतों कु भलु मेल जोल बण्युं रालु, नै कारोबारी योजना बणलि, भाग्योन्नति कु योग चलणु च ।।
शुभ अंक – 7, शुभ रंग – गुलाबी ।।

सिंह-
(म अर टा, टी, टू, टे अक्षर बटि शुरु हूण वला नौ)-
गुजर बसर लैक आय ह्वेलि, नै नै जगों कु भ्रमण भि होलु, बिगर बात क खर्च बाढलु, जमीन जैदाद क खरीद फरोख्त भि ह्वे सकंद, कुछ बिगडया कामों मा सुधार होलु ।।
शुभ अंक – 4, शुभ रंग – हारु ।।

कन्या-
(टो, ठ, ण, ष अर प अक्षर बटि शुरु हूण वला नौ)-
बण्या बुण्या कामों मा अडचन ऐलि, बेजाम म्येनत क बाद भि मन मुताबिक लाभ हूण मुश्किल च, कखि दूर क्षेत्र क यात्रा ह्वे सकंद, भौतिक कामों मा धन कु दुरुपयोग ह्वालु, मानसिक अशांति से स्वास्थ्य फरि असर पोडि सकंद ।।
शुभ अंक -2, शुभ रंग – आसमानी नीलू।।

तुला-
(र अर ता, ति, तु, ते अक्षर बटि शुरु हूण वला नौ)-
भिंडया खर्च क डिमांड हूण से मानसिक कष्ट बाढलु, कारोबार मा उलझेणा कु बगत च, अपड स्वास्थ्य फरि भि ध्यान दिंया, भाग्येश सूर्य अर शुक्र क संचारण से नै कारोबार क शुरुआत कै सकदौ, क्वी खास मनखि धोखा भी दे सकंद ।।
शुभ अंक – 5, शुभ रंग – बैंगनी ।।

वृश्चिक-
(तो, या, यी, ये अर न अक्षर बटि शुरु हूण वला नौ)-
इबरि व्यवसाय मा कर्यां छ्व्टा छ्व्टा प्रयास भी सफल राला, सामाजिक मार्गदर्शन बाढलु, नै काम खुणि बगत शुभ च, सरकरि क्षेत्र मा कार्यरत कर्मचारियों खुणि लाभ अर मान प्रतिष्ठा मा वृद्धि कु योग च ।।
शुभ अंक – 8, शुभ रंग – जामुनी ।।

धनु-
(ये, यो, धा, ढ,भा, भी, भे, भू अर फ अक्षर बटि शुरु हूण वला नौ)-
कखि बटि शुभ समाचार सूणणा कु मिललु, दांपत्य जीवन मा मजबूती ह्वेलि, विशेष म्येनत अर पुरुषार्थ करण से सर्व कार्य सिद्धि ह्वेलि, अचणचक धन लाभ अर हानि योग भी बणणु च, आर्थिक उलझन अर भै बंदौं दगड मनमुटौ म भि बढोत्तरि ह्वै सकंद ।।
शुभ अंक – 11, शुभ रंग – मटमैलू ।।

मकर-
(भो, जा, जी, गा, गी अर ख अक्षर बटि शुरु हूण वला नौ)-
हफ्ता क उत्तरार्द्ध भाग मा शुभ अर धार्मिक कामों मा खर्च बाढलु, संघर्षमय जीवन शैली हूणा वावजूद आय क साधन बढणा राला, वैवाहिक रिश्ता मा गलत फैमि से उपज्यूं मनभेद समाप्त ह्वेजालु ।।
शुभ अंक – 10, शुभ रंग – संतरि ।।

कुंभ-
(गो, गू, गे, दा अर स अक्षर बटि शुरु हूण वला नौ)-
मानसिक अर शारीरिक कष्टों कु संयोजन बढणा क चांस छीं, गुप्त परेशानियों मा वृद्धि ह्वेलि, भै बंदों दगड मन मुटौ क संभावना, समाज क उच्च प्रतिष्ठित लोग दगड मेल जोल बाढलु, कखि नै जगा जाणा मौका मिलि सकंद, चोट इत्यादि कु संयोग बणि सकंद।।
शुभ अंक – 16, शुभ रंग – पीला ।।

मीन-
(दि, दु, थ, झ,ञ, दे, दो, चा अर चि अक्षर बटि शुरु हूण वला नौ)-
कार्यक्षेत्र मा व्यस्तता बणि रालि, क्वी निकट संबंधी मदद कारलु, उत्साह अर पराक्रम मा बढोत्तरि ह्वेलि, गुरु क स्वगृही दृष्टि हूण से धन वृद्धि ह्वेलि, शारीरिक अर मानसिक कष्ट कु भि योग च, ब्वै बबों दगड अनबन भि ह्वै सकंद, साझेदारी क काम मा हानि योग च ।।
शुभ अंक – 12, शुभ रंग – मटमैलु ।।

धन्यवाद !
इति शुभम् भूयात !!


+91 99117 87742
virendrajuyal0786@gmail.com

Loading...

Leave a Reply

Your email address will not be published. Required fields are marked *