गढ़वली साप्ताहिक राशिफल (14 अक्टूबर 2018 बटि 20 अक्टूबर 2018 तक)

मेष-
(च, ल अर अ अक्षर बटि शुरु हूण वला नौ )-

भै बंदौं क मदद से बिगडया काम बणला, कारोबारी अर सामाजिक क्षेत्र मा रचनाशील रैण से आशातीत सफलता मिलली, दूर यात्रा फरि जै सकदौ, नै कारोबारी मित्र मिलला, नै जमीन /मकान/ वाहन खरीदारी कना कु शुभ बगती मुर्हत च, स्वास्थ्य संबंधी परेशानी ह्वै सकदी ।
शुभ अंक – 9
शुभ रंग – मैरून ।।

 

वृष-
(ई, उ, ए, ओ अर व अक्षर बटि शुरु हूण वला नौ )-

कुटुमदरि वलु दगड वैचारिक मतभेद ह्वै सकदि, नौकरी मा बदलाव करणा कु शुभ बगत च, कम समै कु बजार मा पैंसा लगै सकदौ, सफलता मिलली, क्वी नै काम कन से पैलि अपड पित्र/ईष्ट देवू क नौ सुमरण करिल्या त सफल ह्वेल्या ।
शुभ अंक – 1
शुभ रंग – चटकीलु संतरि ।।

 

मिथुन-
(क, घ, ङ, छ अर ह अक्षर बटि शुरु हूण वला नौ)-

कार्यक्षेत्र मा कैकि रोकटोक से खिन्न ह्वे सकदो, तनाव अफ फरि हावी नि हूण दिंयां, नै पारिवारिक अर सामाजिक रिश्ता बणला, नै बिजनेस कना कु शुभ समय च, दुकान या वाहन स्वामी बणण से आर्थिक उन्नति ह्वेलि  ।
शुभ अंक – 6
शुभ रंग – बसगल्या हारु (हरा) ।।

 

कर्क-
(हि, हु,हे, हो अर ड अक्षर बटि शुरु हूण वला नौ)-

मानसिक तनाव क दौर से गुजरण प्वाडलू, राहू अर केतू क कुदृष्टि से अर शनि क मार्गी हूण से स्वास्थ्य संबंधी दिक्कत ऐलि, कुटुमदरि क माबतौं कु आपस मा मन मुटौ ह्वालू, भिंडया भागदौड करण प्वाडलि, शारीरिक कष्ट क भि योग च ।।
शुभ अंक – 20
शुभ रंग – अगाशी नीलू ।।

 

सिंह-
(म अर टा, टी, टू, टे अक्षर बटि शुरु हूण वला नौ)-

नै वाहन खरीदणा कु शुभ योग बणणु च, धन लाभ क योग, परिवार मा क्वी मांगलिक खारिज भि ह्वे सकंद, आपक हस्दा ख्यल्दा जीवन मा कै जनानि कु आण से भारि अग्यो हूणा डैर च, सतर्क रैण से हि रिश्ता तै बचै सकदों ।।
शुभ अंक – 6
शुभ रंग – हल्कु नीलू ।।

 

कन्या-
(टो, ठ, ण, ष अर प अक्षर बटि शुरु हूण वला नौ)-

धन लाभ कु योग, पारिवारिक अर सामाजिक प्रतिष्ठा मा बढोत्तरी, नै वाहन खरीदण से पैलि शनि स्तोत्र क पाठ करण से फैदा होलु, साल भर शनि क ढैय्या हूण से शारीरिक कष्ट क योग, चोट इत्यादि की भि योग बणणु च ।।
शुभ अंक – 8
शुभ रंग –  लाल ।।

 

तुला-
(र अर ता, ति, तु, ते अक्षर बटि शुरु हूण वला नौ ।।

शुक्र वक्री हूण से कुछेक कारिजों मा विघ्न बाधौ कु योग, आत्मविश्वास अर आत्मसम्मान मा बढोत्तरी, कारोबारी अर सामाजिक क्षेत्र मा उन्नति कु योग, नै दगडया बणला, कुटुमदरि मा कै मांगलिक कारिज क शुरात ह्वे सकंद, कखि यात्रा फरि भि जै सकदौ।।
शुभ अंक – 17
शुभ रंग – अगाशी नीलू ।।

 

वृश्चिक-
(तो, या, यी, ये अर न अक्षर बटि शुरु हूण वला नौ)-

धीरे धीरे परिस्थितियों मा सुधार होलु, साझेदारी क कारोबार मा फैदा होलु, नौकरी क्षेत्र अर पद बदलणा कु शुभ समय चलणु च, धार्मिक कालिजों मा खर्च बढलु ।।
शुभ अंक – 1
शुभ रंग – गुलाबी ।

 

धनु-
(ये, यो, धा, ढ,भा, भी, भे, भू अर फ अक्षर बटि शुरु हूण वला नौ)-

व्यवसाय मा भिंडया परिश्रम अर सतर्क रैण से फैदा होलु, गुरु क द्वादश भौ मा विचरण से बण्या बुण्या काम मा अडचन ऐलि, एक सुखद यात्रा ह्वेलि, मकान/दुकान अर जमीन खरीदण, ब्यचण अर बदलणा कु यो शुभ बगत च ।।
शुभ अंक – 13
शुभ रंग – सिलैटी ।।

 

मकर-
(भो, जा, जी, गा, गी अर ख अक्षर बटि शुरु हूण वला नौ)-

धन लाभ अर पदोन्नति कु योग, कारोबार मा फैदा, कार्यक्षेत्र मा पुरस्कृत हूण से सामाजिक प्रतिष्ठा मा वृद्धि, अपडा मूल सिद्धांतों से समझौता नि कर्यां, भूमि, वाहन क सुख मिललु, गुरु क द्वादश भौ मा विचरण से कामकाज मा भिंडया रुकावट ऐ सकंद, तुला राशि क जातक आपक मौ मदद कारलु ।।
शुभ अंक – 8
शुभ रंग – अगाशी नीलू ।।

 

कुंभ-
(गो, गू, गे, दा अर स अक्षर बटि शुरु हूण वला नौ)-

स्वास्थ्य नरम रालु, कुटुमदरि क तरफ बटि हर काम मा सैयोग मिललु, कै खास अपड पर्या मनखि दगड भेंट ह्वेलि, इबरि भाग्योदय क समय च, हर कदम मा सफलता मिलली, समय शुभ चलणु च ।।
शुभ अंक – 9
शुभ रंग – हल्कु गुलाबी ।।

 

मीन-
(दि, दु, थ, झ,ञ, दे, दो, चा अर चि अक्षर बटि शुरु हूण वला नौ)-

भाग्योदय क बगत च, विदेश यात्रा कै सकदौ, कै भि मामला मा त्वरित उत्तर दीण से नुकसान ह्वै सकंद इलै सोच बिचारी क कदम उठैंया, सामाजिक समारोहों मा भागीदारी हूण से नींद मा विघ्न पैदा होलु, लंबी छुट्टी फरि घुमणों जै सकदौ ।।
शुभ अंक – 7
शुभ रंग – हल्कु गुलाबी ।।

धन्यवाद !
इति शुभम् भूयात !!

+91 99117 87742
virendrajuyal0786@gmail.com