गढ़वली साप्ताहिक राशिफल (23 सितम्बर 2018 बटि 29 सितम्बर 2018 तक)

मेष-
(च, ल अर अ अक्षर बटि शुरु हूण वला नौ )-
भिंडया खर्च क योग, कै खास काम मा विघ्न पैदा हूण से मन खिन्न रालू, कारोबार मा लेट लतीफ फैसला लीण से हानि ह्वै सकंद, फिर्भि जमीन से जुडया काम धाम मा तुरंत फैसला सोच समझिक लीण से फैदा होलु, समाज सेवा मा ऐथर रैल्या ।।

वृष-
(ई, उ, ए, ओ अर व अक्षर बटि शुरु हूण वला नौ )-
रोजी रोजगार मा सुधार हूण से लाभ क योग, भाग्योन्नति हूण से रिश्तों मा भि मजबूती आलि, कुछ गुप्त शत्रु हानि पौंछाणा काम कारला, श्राद्ध काल मा पितरों क निमित्त कै गरीब तै भोजन अर कपडा जरुर दान कर्यां ।।

मिथुन-
(क, घ, ङ, छ अर ह अक्षर बटि शुरु हूण वला नौ)-
व्यक्तिगत संबंध मजबूत ह्वाला, मौका अर भाग्य आपक दगड हूण से आपतै व्यापार मा भिंडया फैदा, क्वी विश्वासी मनखि धोखा दे सकंद, पितृ पक्ष मा तिथि क श्राद्ध मा पितृ तर्पण अर दान जरुर कर्यां ।।

कर्क-
(हि, हु,हे, हो अर ड अक्षर बटि शुरु हूण वला नौ)-
नै काम मा थोडा भौत अडचन आण से मन निराश हूण क वावजूद सफलता मिलली, सोचि समझिक क्वी भि फैसला कर्यां नथर ऐथर भविष्य मा पछताण पोडलू, शत्रु तै कमजोर समझण अर भितर क भेद भैर बताण से नै दुश्मन पैदा ह्वै सकंद ।।

सिंह-
(म अर टा, टी, टू, टे अक्षर बटि शुरु हूण वला नौ)-
साझेदारी मा बिजनेस कन से भौत फैदा होलु, मान सम्मान मा अचणचक बेजाम बढोत्तरी, सकारात्मक सोच रखण से फैदा म रैला, आय मा वृद्धि योग च, क्रोध करण से नुकसान उठाण पोडलू ।।

कन्या-
(टो, ठ, ण, ष अर प अक्षर बटि शुरु हूण वला नौ)-
पारिवारिक सदस्यों दगड नै योजना बणाण से आर्थिक अर सामाजिक क्षेत्र मा फैदा, आपक दृढ़ इच्छा शक्ति आपतै ऐथर भविष्य मा हूण वला लाभों से मजबूती देलि, कचर पचर खाण से अर स्वास्थ्य मा लापरवै हूण से शारीरिक कष्ट ।।

तुला-
(र अर ता, ति, तु, ते अक्षर बटि शुरु हूण वला नौ)-
भागदौड करण से नै आर्थिक कनेक्शन जुडला, धन लाभ क स्थिति, ससुराल पक्ष बटि सम्मानित हूण क मौका मिललु, मन क उदगारों तै काबू म रख्यां, कुटुमदरि वलुं दगड मन से रैण से फैदा ।।

वृश्चिक-
(तो, या, यी, ये अर न अक्षर बटि शुरु हूण वला नौ)-
सरकरि सेवा मा रैण वला मनख्यूं तै उच्च पद प्रतिष्ठा कु लाभ मिललु, शनि क साढे साती हूण से मानसिक अशांति ह्वेलि, नै रिश्ता जुडण अर आय बढण से मन प्रसन्न, पित्रों क निमित्त तीर्थ स्थान मा तर्पण करण शुभ रालू ।।

धनु-
(ये, यो, धा, ढ,भा, भी, भे, भू अर फ अक्षर बटि शुरु हूण वला नौ)-
परिवार मा क्वी शुभ समाचार मिलण से मानसिक संतुष्टि मिलली, भाग्योन्नति हूण से आर्थिक क्षेत्र मा सुधार, व्यापार मा मन मुताबिक फैदा होलु, कुटुमदरि मा काफी दिन बटि चलण वलु घपरोल से मुक्ति मिलली ।।

मकर-
(भो, जा, जी, गा, गी अर ख अक्षर बटि शुरु हूण वला नौ)-
धन लाभ क योग, अपडु क्वी खास आपक विरोधी बणि सकंद, आय क साधनों मा जै वृद्धि ह्वेलि, कुछ नै लोग आपसे अचणचक जुडला ज्यां से आपक सामाजिक दायरा बढलु अर आपक प्रतिभा सब्युंक समिणि निखरि क ऐलि ।।

कुंभ-
(गो, गू, गे, दा अर स अक्षर बटि शुरु हूण वला नौ)-
बुध ग्रह आपतै ये बगत भौत जादा मान सम्मान दिलालु, कतगै सुखद अनुभौ ये हफ्ता आपक यादुं मा सदनि खुणि जुडि जाला, नै रोजी रोजगार खुज्याणा छो त सफलता मिललि, विदेश जाण क योग भि च ।।

मीन-
(दि, दु, थ, झ,ञ, दे, दो, चा अर चि अक्षर बटि शुरु हूण वला नौ)-
कुटुमदरि क सदस्यों कु अर दोस्ती यारी मा चिर परिचित मनख्यूं क सैयोग से आपक कर्ज संबंधी काम मा राहत मिलली, मानसिक रुप से मजबूत हूण क आपतै फैदा मिललु, ग्रह गोचर खराब हूण से स्वास्थ्य संबंधी दिक्कत ह्वै सकंद, पित्रुं क निमित्त गरीबों तै अन्नदान जरुर कर्यां, पित्र दोष से मुक्ति मिलली ।।

धन्यवाद !
इति शुभम् भूयात !!


+91 99117 87742
virendrajuyal0786@gmail.com

Loading...

Leave a Reply

Your email address will not be published. Required fields are marked *