गढ़वली साप्ताहिक राशिफल (25 नवंबर 2018 बटि 01 दिसंबर 2018 तक)

वि. सं.- 2075 | शाके – 1940 | मैना – मंगशीर (मार्गशीर्ष) | ऋतु – हेमंत | “10 गते बटि 16 गते तक”

मेष-
(च, ल अर अ अक्षर बटि शुरु हूण वला नौ )-
मान प्रतिष्ठा मा बढोत्तरि ह्वेलि, स्वभौ मा तेजी अर कै भि काम मा जल्दबाजी करण से फैदा जगा म नुकसान उठाण पोडलु, धीरज धैरिक काम काज निपटाण या करण से खूभ फैदा होलु, जमीन अर घ्वाडा गाडी खरीदण ब्यचण क योजना बणि सकद ।।
शुभ अंक – 12
शुभ रंग – लाल ।।

वृष-
(ई, उ, ए, ओ अर व अक्षर बटि शुरु हूण वला नौ )-
आय क नै साधन बणला, सैंणि नौनु कु सुख मा बढोत्तरि ह्वेलि, शनि क ढैय्या क वजै से कुटुमदरि मा अनबन क संभावना च ।।
शुभ अंक – 5
शुभ रंग – नीलू ।।

मिथुन-
(क, घ, ङ, छ अर ह अक्षर बटि शुरु हूण वला नौ)-
धार्मिक कामों मा खर्च ह्वालु, कामकाजी क्षेत्र मा मान सम्मान मिललु, धन लाभ क योग च, कै दगड वाद विवाद भि ह्वै सकंद, पेट संबंधी दिक्कत ह्वे सकंद, शारीरिक कष्ट कु योग, कुछ परेशानियों कु योग बणणु च ।।
शुभ अंक – 7
शुभ रंग – बैंगनी ।।

कर्क-
(हि, हु,हे, हो अर ड अक्षर बटि शुरु हूण वला नौ)-
मान प्रतिष्ठा मा बढोत्तरि ह्वेलि, पारिवारिक माहौल सुखद रालु, संतान संबंधी गुप्त चिंता रैलि, कार्यालय मा व्यस्तता बणि रालि, धन लाभ साधारण ह्वालु ।।
शुभ अंक – 16
शुभ रंग – पीलू ।।

सिंह-
(म अर टा, टी, टू, टे अक्षर बटि शुरु हूण वला नौ)-
तृतीयस्थ शुक्र वक्री हूण से क्वी अपड खास मनखि ध्वका दे सकंद, अर मंगल अष्टमस्थ हूण से मानसिक अर शारीरिक अर मानसिक कष्ट क योग च, क्रोध फरि नियंत्रण रखण से फैदा होलु ।।
शुभ अंक -12
शुभ रंग – नीलू ।।

कन्या-
(टो, ठ, ण, ष अर प अक्षर बटि शुरु हुण वला नौ )
शुक्र वक्री अर मंगल अष्टमस्थ हूण से मानसिक अशांति, कुटुमदरि म घपरोल क नौबत ऐ सकंद, भौत म्येनत कना बाद धन लाभ क योग च, क्रोध करण से बच्यां ।।
शुभ अंक -7
शुभ रंग – सफेद ।।

तुला-
(र अर ता, ति, तु, ते अक्षर बटि शुरु हूण वला नौ ।।
कार्य क्षेत्र या व्यवसाय मा परिस्थिति आपक अनुकूल रालि, पर शुक्र वक्री हूण से कुटमदरि क माबतों कु आपस मा मन मुटौ ह्वै सकंद, शारीरिक अर मानसिक कष्ट क योग भि च, विरोधी आपक खिलाफ सक्रिय राला ।।
शुभ अंक – 9
शुभ रंग – संतरी ।।

वृश्चिक-
(तो, या, यी, ये अर न अक्षर बटि शुरु हूण वला नौ)-
व्यवसाय मा भौत म्येनत क बाद धन मा बढोत्तरि ह्वेलि, घरेलू कामों मा अडचन ऐ सकंद, मानसिक तनाव बढि सकंद, सिर दर्द अर आंखों मा दिक्कत ऐ सकंद ।।
शुभ अंक – 5
शुभ रंग – नीलू।।

धनु-
(ये, यो, धा, ढ,भा, भी, भे, भू अर फ अक्षर बटि शुरु हूण वला नौ)-
शनि क साढे साती क कारण व्यर्थ क परेशानी ह्वेलि, स्थान या कार्य क्षेत्र मा बदलाव क संभावना च, अचणचक कखि यात्रा भि ह्वै सकंद, चोट इत्यादि कु खतरा भि च ।।
शुभ अंक – 8
शुभ रंग – असमानी नीलू ।।

मकर-
(भो, जा, जी, गा, गी अर ख अक्षर बटि शुरु हूण वला नौ)-
धन लाभ क योग च, समाज अर कारोबार क्षेत्र मा उन्नति क शुभ अवसर च, समाज मा मान प्रतिष्ठा मा बढोत्तरि ह्वेलि, बिगडया काम मा सुधार होलु, स्वास्थ्य संबधी परेशानि ह्वै सकंद ।।
शुभ अंक – 9
शुभ रंग – लाल ।।

कुंभ-
(गो, गू, गे, दा अर स अक्षर बटि शुरु हूण वला नौ)-
उन्नति क मार्ग मा अवरोध ऐ संकंद, व्यवसाय मा आंशिक लाभ ह्वालु, पैलि से जादा प्रयास करण से आपतै आशातीत सफलता मिलली, समय व्यौपार खुणि भलु चलणु च ।।
शुभ अंक – 14
शुभ रंग – नीलू ।।

मीन-
(दि, दु, थ, झ,ञ, दे, दो, चा अर चि अक्षर बटि शुरु हूण वला नौ)-
सूर्य अर गुरु क भाग्यस्थ योग हूण से कार्यक्षेत्र मा व्यस्तता बणि रालि, धार्मिक कामों मा रुचि बाढलि, कुटुमदरि मा शुभ मांगलिक काम संपन्न ह्वै सकंद, कखि नै जगा भ्रमण फरि जाणा कु संयोग बणि सकंद ।।
शुभ अंक – 10
शुभ रंग – नीलू ।।

धन्यवाद !
इति शुभम् भूयात !!


+91 99117 87742
virendrajuyal0786@gmail.com

Loading...

Leave a Reply

Your email address will not be published. Required fields are marked *