गढ़वली साप्ताहिक राशिफल (28 अक्टूबर 2018 बटि 03 नवम्बर 2018 तक)

गढवलिम राशि फल-
वि. सं.- 2075
शाके – 1940
मैना – कार्तिक
ऋतु – हेमंत ।

मेष-
(च, ल अर अ अक्षर बटि शुरु हूण वला नौ )-
सूर्य क स्थिति उच्च मा हूण से भाग्योन्नति कु बगत च, अपड स्वास्थ्य फरि ध्यान दिंया नथर आर्थिक हानि मा बढोत्तरि ह्वेलि, मानसिक अशांति, जीवन शैली मा लापरवै से स्वास्थ्य संबंधी परेशानी ह्वै सकद, दांपत्य जीवन सुखद होलु ।
शुभ अंक – 10
शुभ रंग – मटमैलु ।।

वृष-
(ई, उ, ए, ओ अर व अक्षर बटि शुरु हूण वला नौ )-
आर्थिक पक्ष मजबूत ह्वालु, उपहार अर सम्मान क प्राप्ति क वावजूद संघर्षपूर्ण दिनचर्या, कै दगड अनौपचारिक बहस कन से अपड समय बर्बाद ह्वालु, जीवन साथी कु सैयोग मिललु, खेल क क्षेत्र मा प्रतिभागियों तै सफलता मिलली ।
शुभ अंक – 5
शुभ रंग – गुलाबी ।।

मिथुन-
(क, घ, ङ, छ अर ह अक्षर बटि शुरु हूण वला नौ)-
भावनात्मक रिश्तों मा धोखा ह्वै सकंद, कार्यक्षेत्र मा नै रिश्ता बणला, नै बिजनेस कन से आर्थिक उन्नति ह्वेलि, स्वास्थ्य संबंधी दिक्कत ह्वेलि।
शुभ अंक – 6
शुभ रंग – मटमैल्ण्या ।।

कर्क-
(हि, हु,हे, हो अर ड अक्षर बटि शुरु हूण वला नौ)-
मानसिक अर शारीरिक तनाव क दौर से द्वि चार हाथ हूण प्वाडलू, धार्मिक कारिज मा खर्च लागलु, पदोन्नति कु शुभ समय चलणु च, नै वाहन क खरीदारी करण शुभ रालु ।।
शुभ अंक – 17
शुभ रंग – नीलू ।।

सिंह-
(म अर टा, टी, टू, टे अक्षर बटि शुरु हूण वला नौ)-
कारोबार मध्यम, संतान संबंधी परेशानी, परीक्षा या इंटरव्यू कु समय शुभ चलणु च, नै वाहन/मकान खरीदणा कु योग बणणु च, धन लाभ क योग, समाज मा पद प्रतिष्ठा बढलि ।।
शुभ अंक – 1
शुभ रंग – संतरि ।।

कन्या-
(टो, ठ, ण, ष अर प अक्षर बटि शुरु हूण वला नौ)-
कखि दूर यात्रा फरि जै सकदौ, धन लाभ कु योग, भूमि, दुकान क्रय विक्रय खुणि समय शुभ च, पारिवारिक जीवन सुखद ह्वालु, यदि आपक कंपनी सर्वेसर्वा क्वी महिला चा त आपतै पदोन्नति मीलि सकंद ।।
शुभ अंक – 4
शुभ रंग – पिंगलू ।।

तुला-
(र अर ता, ति, तु, ते अक्षर बटि शुरु हूण वला नौ ।।
व्यापार मा लाभ क समय च, पराक्रम मा वृद्धि योग, यदि सरकरि नौकरी कु प्रयास कना छो त सफलता मिलि जालि, मन तै शांत रखण से नै काम का प्रोजेक्ट मा फैदा होलु ।।
शुभ अंक – 3
शुभ रंग – समुद्री हारु।।

वृश्चिक-
(तो, या, यी, ये अर न अक्षर बटि शुरु हूण वला नौ)-
कारोबार मा उन्नति कु आर्थिक परिस्थितियों मा सुधार, घार मा सुख शांति कु वास होलु, नौकरी क्षेत्र बदलणा कु समय चलणु च, भीतर कु भेद भैर बताण वला मनखि से धोखा मीलि सकंद ।।
शुभ अंक – 8
शुभ रंग – सफेद ।

धनु-
(ये, यो, धा, ढ,भा, भी, भे, भू अर फ अक्षर बटि शुरु हूण वला नौ)-
कार्यक्षेत्र मा पदोन्नति कु एक नै अवसर मिलि सकंद, विदेश यात्रा मा जै सकदो, व्यवसाय मा भिंडया परिश्रम खपणुं च, कार्यक्षेत्र मा क्वी नै विरोधी पैदा हूण से मानसिक चिंता ।।
शुभ अंक – 17
शुभ रंग – बसगल्या हारु ।।

मकर-
(भो, जा, जी, गा, गी अर ख अक्षर बटि शुरु हूण वला नौ)-
नै दगडया मिलण से मन रोमांचित, धन लाभ अर पदोन्नति कु योग, कारोबार मा फैदा, कार्यक्षेत्र मा कामकाज जादा हूण से शारीरिक थकान मा वृद्धि, पारिवार मा माहौल खुशमिजाज ।।
शुभ अंक – 2
शुभ रंग – अगाशी नीलू ।।

कुंभ-
(गो, गू, गे, दा अर स अक्षर बटि शुरु हूण वला नौ)-
नै वाहन क सुख मिलण से मानसिक खुशी अर संतुष्टि मिललि, समय शुभ चलणु च, सेहत क तर्फ बटि लापरवै नि कर्यां, मान सम्मान अर भोगविलास मा वृद्धि, शिक्षा क क्षेत्र मा सफलता मिललि ।।
शुभ अंक – 7
शुभ रंग – हारु ।।

मीन-
(दि, दु, थ, झ,ञ, दे, दो, चा अर चि अक्षर बटि शुरु हूण वला नौ)-
नै लोग से मुलाकात आप खुणि वरदान साबित ह्वै सकंद, कोर्ट- कचहरी/ मुकदमा संबंधी तथ्यों मा आपतै सफलता मिललि, फैसला आपक हक मा ह्वे सकंद, धन लाभ हूण से सामाजिक प्रतिष्ठा मा वृद्धि, बिजली क सामान क खरीदारी या कारोबार करण से फैदा होलु ।।
शुभ अंक – 6
शुभ रंग – लाल ।।

धन्यवाद !
इति शुभम् भूयात !!


+91 99117 87742
virendrajuyal0786@gmail.com

Loading...

Leave a Reply

Your email address will not be published. Required fields are marked *