गढ़वली साप्ताहिक राशिफल (30 सितम्बर 2018 बटि 06 अक्टूबर 2018 तक)

मेष-
(च, ल अर अ अक्षर बटि शुरु हूण वला नौ )-
मैना क शुरात मा भै भैणों क तर्फां बटि मौ मदद मिलण से काम धंधा मा क्वी भि अडचन नि ऐलि । बिजनेस करण वलों तै फैदा क योग, स्वास्थ्य ठिक रालु, क्वी खासम खास मनखि आर्थिक नुकसान पौंछे सकंद ।।

वृष-
(ई, उ, ए, ओ अर व अक्षर बटि शुरु हूण वला नौ )-
हफ्ता क आखिर मा आर्थिक क्षेत्र मा नै नै समस्या आलि, बिजनेस मा जोडीदार रखण से रोजगार मा हानि क योग च, पितृ पक्ष मा गौ माता क सेवा करण से पितृ दोष से मुक्ति मिलली ।।

मिथुन-
(क, घ, ङ, छ अर ह अक्षर बटि शुरु हूण वला नौ)-
धन संबंधी समस्याओं से मुक्ति मिलली, हर क्षेत्र मा उन्नति योग च, भाग्योदय हूण से कारोबार मा व्यक्तिगत संबंध मजबूत ह्वाला, सूर्य अर बुध क दगड मा विचरण करण से बिजनेस करण वलु क कामकाज क संबंध मा दौड भाग लगि रालि ।।

कर्क-
(हि, हु,हे, हो अर ड अक्षर बटि शुरु हूण वला नौ)-
रोजी रोजगार मध्यम अर धन लाभ क योग च, कुटुमदरि मा आपस मा मनमुटौ, दौडभाग ये हफ्ता भिंडया रालि, मानसिक अर शारीरिक कष्ट मा बढोत्तरि, कखि दूर यात्रा कु योग भि च ।।

सिंह-
(म अर टा, टी, टू, टे अक्षर बटि शुरु हूण वला नौ)-
धन लाभ क शुभ योग च, परिवार मा पित्तरों क स्मृति मा क्वी बडु काम ह्वे सकंद, क्रोध करण से मान सम्मान क हानि योग, नै नौकरी संबंधी बदलाव करणा खुणि समय शुभ ।।

कन्या-
(टो, ठ, ण, ष अर प अक्षर बटि शुरु हूण वला नौ)-
सूर्य अर बुध क युग्मक योग हूण से कार्यक्षेत्र मा सुधार क समय च, धन लाभ क नै योग भि बणला, कार्य सिद्धि हूण से मांगलिक योजना बणाण से आर्थिक अर सामाजिक क्षेत्र मा फैदा होलु।।

तुला-
(र अर ता, ति, तु, ते अक्षर बटि शुरु हूण वला नौ)-
शुक्र ५ तारिक से वक्री हूण से साधारण आय लाभ, भिंडया खर्च क योग, यात्रा मा चोट इत्यादि क डैर, धर्म कर्म क तर्फां झुकाव बढलु, कै लाचार गरीब क मदद करण से रुक्यां काम बणला, कुटुमदरि मा क्वी खुश खबरी सूणणा कु मिलली ।।

वृश्चिक-
(तो, या, यी, ये अर न अक्षर बटि शुरु हूण वला नौ)-
पुरुषार्थ करण से भाग्योदय, बिगडया काम बणला, पारिवारिक परिस्थितियों मा सुधार होलु, राहू अर केतु क सम सप्तक योग हूण से शारीरिक कष्ट, भै भैणों मा तालमेल होलु ।।

धनु-
(ये, यो, धा, ढ,भा, भी, भे, भू अर फ अक्षर बटि शुरु हूण वला नौ)-
रोजी रोजगार मा अप्रत्याशित लाभ क योग, अभि म्येनत कन से भविष्य मा दुगुणा फैदा, संघर्षपूर्ण समय, संतान सुख मा वृद्धि, मानसिक तनौ हूण से विघ्न बाधौ तै न्यूतू, शनि क साढेसत्ती क प्रभाव हूण से भौत संघर्ष ।।

मकर-
(भो, जा, जी, गा, गी अर ख अक्षर बटि शुरु हूण वला नौ)-
संघर्षपूर्ण परिस्थिति हूणा वावजूद कारोबार मा धन लाभ अर पदोन्नति क योग, मानसिक अर शारीरिक कष्ट क दगडि धनहानि क योग, जमीन जैदाद क वजै से कुटुमदरि क सदस्यों क आपस मा मनमुटौ/घपरोल ।।

कुंभ-
(गो, गू, गे, दा अर स अक्षर बटि शुरु हूण वला नौ)-
घरेलू अर मानसिक उलझन हूण से आर्थिक अर शारीरिक नुकसान, स्वास्थ्य मा सुधार क स्थिति, सीनियर दगडयों अर कर्मचारियों दगड क्रोध या मनमुटौ हूण से भारी हानि योग, जमीन जैदाद क काम मा अडचन ।।

मीन-
(दि, दु, थ, झ,ञ, दे, दो, चा अर चि अक्षर बटि शुरु हूण वला नौ)-
कै खास मनखि क सैयोग से आर्थिक मदद मिललि, बिगडया काम बणला, समाज मा प्रतिष्ठा बढलि, पारिवारिक घपरोल क कारण मन अस्थिर रालु, घार मा कै नै शुभ मांगलिक काम क योजना बणलि, वाहन क्रय विक्रय करणा कु शुभ योग च ।।

धन्यवाद !
इति शुभम् भूयात !!


+91 99117 87742
virendrajuyal0786@gmail.com

Loading...

Leave a Reply

Your email address will not be published. Required fields are marked *