हरदा, किशोरी दा अर बिज्जू दा तै कठ्ठी बैठ्या देखी कन सोशल मीडिया पर छुयाळ लगाणा छन छ्वीं बत्थ

हरदा, किशोरी दा अर बिज्जू दा तै कठ्ठी बैठ्या देखी कन सोशल मीडिया पर छुयाळूं लगाणा छन छ्वीं बत्थ।
कांग्रेस बिटी रूसे कन आण बाद भाजपा मा शामिल हूण ह्वाळ पैल मुख्यमंत्री बिजय बहुगुणा अर दूसर पैल मुख्यमंत्री कागें्रस  महासचिव हरीश रावत दगड़ी एक तस्वीर  सोशल मीडिया मा खूब उडणी छ। यीं तस्वीर मा यूं द्वीयूं दगड़ी  काग्रेंस पैल अध्यक्ष किशोर उपध्याय भी बैठ्या छन। यीं तस्वीर समणी आण बाद सियासत छुयांळू न छ्वी लगाण अर खुसपुस कन शुरू करयाल।  वन पैल मुख्यमंत्री बिजय बहुगुणा बुलण छ कि या तस्वीर एयरपोर्ट क वेटिंग लाउंज की छ। ये बाबत उंक बुलण छ कि जब मी जोलीगा्रंट एयरपोर्ट म दिल्ली जाणा खातिर अपर  फ्लाईट इंतजार कनू छौं।  फ्लाईट जाण मा बगत लगणू छ्यायी त  ये खातिर उ वीआईपी लांज मा बैठ्या छ्यायी जख पैल मुख्यमंत्री हरीश रावत अर किशोर उपध्याय पैल बैठ्या छ्यायी।  उन ब्वाल कि ये बगत तबरी कैन फोटो खींची दे ह्वेंली। बिजय बहुगुणा न ब्वाल कि हम जब अमणी समणी बैठ ग्यवां त एक दूसर राजी खुशी पूछी।  हरीश रावत जी स्वास्थ्य ठीक देखी कन खुशी ह्वायी।
Loading...

Leave a Reply

Your email address will not be published. Required fields are marked *