दगड़याणी तै बदनाम कना बाबत लड़की न बणै फर्जी फेसबुक आईडी, वै मा करीन आपत्तिजनक पोस्ट

 द्वी दगड़याण्यूं बीच कै बात तै लेकन तुड़मतुड़ा ह्वे गे छेयी, या बात लड़की जिकुड़ी मा इन चुभी कि वीन अपरी दगड़याणी से बदला लीण खातिर यी सब करी।

चंपावतः येक बगत इन भी छ्यायी कि जब दूर दराज रैकन अपर पुरण दगड़यौं तै लोग फेसबुक पर खुजद छ्यायी या नै लोग तै अपर दोस्त बणांद छ्यायी, लेकिन अब दिन भर दिन ये सोशल मीडिया प्रयोग लोग अब हथियार रूप मा कन लगी गीन। राजनीतिक दलौं बात त छोड़ी द्याव अब त युवक युवती भी येक इस्तेमाल बदला निकळणा बाबत कन लगी गीन। दुसांद जिला चंपावत क पाटी थाना क्षेत्र मा अजब गजब मामला समणी आयी। यख दगड़याणी दगड़ी लड़ै हूण पर एक युवती न फेसबुक पर वींक फर्जी अकांउंट बणै अर आपत्तिजनक पोस्ट कन लगी ग्यायी। पीड़ित पुलिस थाना पौंछी अर जॉच मा चौकाण ह्वाळ हकीकत समणी आयी।

दगड़याणी न द्यायी धोखा

सोशल मीडिया पर आदमियौं क फेक अकाउंट बणै कन लड़कियूं से दोस्ती कन या फिर प्रेमजाल मा फंसाण मामला त कत्ती बार समणी ऐ गीन लेकिन लड़की न अपर दग़डयाणी दगड़ बदला लीण बाबत यी पैल मामला छ। बतयाणा छ कि एक ही गॉव मा रैवास कन ह्वाळ द्वी ल़ड़की सहेली भी छन। एक दिन द्वी बीच कै बात तै लेकर विवाद ह्वायी त जू एक लड़की तै इथगा चुभी ग्यायी कि वीन अपर दगड़याणी से बदला लीण योजना बणायी अर ये मा हथियार बणायी फेसबुक तै। वीन अपर सहेली नाम से फेक अकाउंट बणायी अर वैक तस्वीर एडिट करी कन वै एकाउंट मा पोस्ट कन लगी ग्यायी। यी ना बल्कण वी अकाउंट पर डळै ग्यायी तस्वीर मा आपत्तिजनक कमेंट भी करदी छेयी। या बात पीड़िता तै पता चली त वीन पुलिस मा शिकैत दर्ज करवायी। पुलिस क साईबर सेल न जॉच करी त वीं शातिर दगड़याणी तकन पौंछी ग्यायी। पूछताछ मा उन अपर अपराध भी स्वीकार करयाल। पुलिस न फर्जी आईडी बणाण ह्वाळ लड़की तै गिरफ्तार करयाल। चंपावत जिला एसपी लोकेश्वर सिंह बुलण छ कि जिला मा सोशल मीडिया पर फेक आईडी बणै कन बदनाम कन क 7 होर मामला समणी ऐन, जौं पर कारवाई करयाणा छ।

Loading...

Leave a Reply

Your email address will not be published. Required fields are marked *