खुश खबरी खुश खबरी: उत्तराखंड मा शिक्षकों कमी समस्या जल्दी दूर ह्वेली, 4500 पदों पर जल्दी करे जाली भर्ती

प्रदेश मा शिक्षकों कमी ज्वा समस्या च वा जल्दी दूर ह्वे जाली। माध्यमिक अर बेसिक शिक्षा विभाग मा वर्तमान मा शिक्षकों क 4500 पद रिक्त छन। शिक्षा सचिव आर मीनाक्षी सुंदरम मुताबिक ये शिक्षा सत्र भीतर सभी रिक्त पदू तै भर लिये जाल। ये खातिर शासन तरर्फ बिटी विशेष प्रयास करयाणा छन।

शिक्षा सचिव न ब्वाल कि शिक्षकों नियुक्तियों से संबंधित कुछ मामले कोर्ट मा विचाराधीन छन्न। सरकार तरफ बिटी सभी मामलों पुरजोर पैरवी करयाणा च। प्रयास च कि सभी रिक्त पदों तै भरीकन दूरदराज स्कूल तक शिक्षक उपलब्ध करये जै सक्याव।

क्वी भी स्कूल शिक्षक बगैर ना ह्वाव।
शिक्षा सचिव न ब्वाल कि प्रदेश सरकरी स्कूलू मा शिक्षकों कमी के बावजूद ये शिक्षा सत्र मा उत्तराखंड बोर्ड रिजल्ट मा द्वी फीसदी इजाफा ह्वाई। शिक्षकू कमी समस्या दूर ह्वेल ये से रिजल्ट मा भी सुधार आल।

शिक्षा सचिव न ब्वाल कि अगल शिक्षा सत्र मा प्रदेश क्वी भी विद्यालय शिक्षक विहीन नी राल । शिक्षा मंत्री अरविंद पांडे न ब्वाल कि स्कूल मा भले भवन नी ह्वाव, फर्नीचर अर होर सुविधाएं नी ह्वाव येक बगैर काम चल सकद, लेकिन स्कूल मा शिक्षक हूँण जरूरी च। बगैर शिक्षक कुछ नी करे जै सकदू। सरकार जिम्मेदारी च कि क्वी भी स्कूल शिक्षक विहीन ना राव।

Leave a Reply

Your email address will not be published. Required fields are marked *