अपरी ब्यौली तै ल्याणा कुणी भारी बरफबारी मा इथगा किलोमीटर हिटण पड़ी ब्यौंला तै, बरात्यूं मा छ्यायी खूब उत्साह

त्रिजुगीनारायण क मक्कूमठ पौंछी बरात्यूं तै ब्यौंला समेत भारी बरफबारी बीच करीब 06 किमी0 से भी ज्यादा हिटण पड़ी। ब्यौलीं ड्वाला लांद बगत भी यनी स्थिति बणी रायी। त्रिजुगीनारायण गौं रैवासी रजनीश कुर्माचंली अर मक्कूमठ रैवासी एनएस भण्डारी की नौनी शिक्षा क ब्यौ ह्वायी। ये दौरान बर ब्यौली तै मीलों हिट्टी कन अपर अपर सुसरास पौंछण पड़ी। सुबेर सात बजी बटी गौं समेत सरा केदारघाटी मा बरफ पड़न शुरू ह्वे गे छेयी। ये बीच सुबेर 09 बजे त्रिजुगीनारायण गौं बटी रजनीश की बरात मक्कूमठ जाणा कुणी गाजा बाजों दगड़ी पैटी। पीछल पॉच दिनू बटी बंद पड़यूं सोनप्रयाग-त्रिजुगीनारायण सड़क बाट बरफ पडन कारण बंद हूण से ब्यौंला समेत बरात्यूं तै पुरण पैदल बाट पर भारी बरफबारी बीच 06 किलोमीटर चलीकन दुफरा मा 11 बजे सोनप्रयाग पौछण पड़। ये दौरान ब्यौंला दगड़यो न बरफ मा खूब मजा लूटीन अर दगड़ मा सेल्फी भी लीणा रैन। वखी दान सयण तै अर जनानि जू बरात मा जयीं छेयी उंतै बौत दिक्कत अर परेशनी उठाण पड़ी। गुप्तकाशी कुंड ह्वे कन बरात गुरमिलाख (दोपहर 12-02 बज बीच का समय ) बगत करीब पौणे द्वी बजे मक्कूमठ पौंछी। यख भी रूक रूकीकन बरफ फुआरों बीच फटाफट ब्यों की सब्बी रश्म निभये गेन। ब्यखन बगत 05ः30 बजे ब्यौंली समेत बरात विदै करे ग्यायी। बड़ी मुश्किल मा पैदल चली कन ब्यौली अपर सुसरास त्रिजुगीनारायण पौंछी। ब्यौंला घऽर मा ब्यौंली आण से खुशी माहौल च।

Loading...

Leave a Reply

Your email address will not be published. Required fields are marked *