कोविड-19 से लड़न फ्रंटलाइन वारियर्स तै हंस फाउंडेशन न भेंट करीन रक्षा कवच

पौड़ी गढ़वाल रिखणीखाल ब्लॉक क सामुदायिक स्वास्थ्य केंद्र मा कार्यरत स्वास्थ्य कर्मियों तै हंस फाउंडेशन पी पी ई किट अर स्वच्छता किट देन।

ये संकट बगत एक तरफ जख कोराेना वायरस की समस्या बाबत लेकन जख सभी चिंतित छन, वखि दूसर तरफ़ कुछ लोग परेशनी घड़ी मा वारियर्स बणीकन डटी कन खड़ छन। यी वॉरियर्स सुरक्षित राव अर अर इनि डटया राव ये मकसद से  समाज सेवी माताश्री मंगला जी अर श्री भोले जी महाराज जी क मार्गदर्शन मा हंस फाउंडेशन यूं कोविड-19 से लड़न ह्वाल फ्रंटलाइन वारियर्स तै रक्षा कवच भेंट करीन।

उत्तराखंड क पौड़ी गढ़वाल क रिखणीखाल ब्लॉक मा स्थित सामुदायिक स्वास्थ्य केंद्र मा कोविड-19 संक्रमण से बचाव खातिर जमीन मा उतरी कन सेवा दीणा छन। डाक्टर,नर्स,आशा कार्यकर्ता अर होर स्वास्थ्य कर्मियों तै हंस फाउंडेशन न प्रोटेक्शन किट यानी मास्क, हैंड ग्लव्स, फेस शील्ड,सैनिटाइजर,स्वच्छता किट एवं पी पी ई कीट भेंट करीन। ताकि यी फ्रंटलाइन वारियर्स ये कोरोना काल मा अपर सेवा निडर ह्वे कन दे सको, अर ज्यादा से ज्यादा लोगू तकन अपरी सेवाओं तै पहुँचे सको। ये कोरोना महामारी से देश तै मुक्त कन मा अहम भूमिका निभाव।

फ्रंटलाइन वारियर्स न हंस फाउंडेशन तै धन्यवाद द्यायी।

हंस फाउंडेशन बिटी भेंट करि प्रोटेक्शन किट बाबत आभार प्रकट कर, अर सामुदायिक स्वास्थ्य केंद्र रिखणीखाल क स्वास्थ्य कर्मियों ने ब्वाल कि यी हमर बाबत भौत उपयोगी छन ।

हंस फाउंडेशन सौजन्य से प्राप्त पी पी ई किट अर स्वच्छता किट माध्यम से अब हम ज्यादा से ज्यादा लोगों अर पहाड़ दूरगामी क्षेत्रों में बणया क्वारंटीन सेंटरों तकन निडर ह्वेकन पहुंचे सकला, अर कै भी आपात स्थित मा कोविड-19 संक्रमण से संक्रमित लोगू की जांच आसानी से कर पौला।

ये दगड़ी कोरोना वारियर्स सेवाओं बाबत माता मंगला जी अर श्री भोले जी महाराज न देश भर कोरोना काल मा अपरी महत्वपूर्ण भूमिका निभाण ह्वाल फ्रंटलाइन वारियर्स सेवाओं तै हाथ जोड़ीं कन ब्वाल की ये संकट घड़ी मा स्वास्थ्य कर्मी कोरोना वायरस संक्रमण से लड़न ह्वाल लोगू बाबत ईश्वर की भूमिका मा महत्वपूर्ण योगदान दीणा छन ।

आपको बते दिवा कि हंस फाउंडेशन कोरोना काल मा देश भर मा कोविड-19 से लड़ने खातिर आपरेशन नमस्ते अभियान क माध्यम से विभिन्न क्षेत्रों मा निरंतर अपरी सेवा प्रदान कना छन ।

Loading...

Leave a Reply

Your email address will not be published. Required fields are marked *