हे कुल देवता मेरी मदद करीन, या बात होर कैन ना बलकण पूर्व मुख्यमंत्री न ब्वाल

उत्तराखण्ड तै द्यवतों धरती मने जांद, यख रैवासी भी देवी द्यवतों तै हर सुख दुख मा सुमरदन। क्वी भी नै काम कन मा भी द्यो द्यवतों ते सुमरे जांद। अब उत्तराखण्ड मा लोकसभा चुनाव छन अर यख जू भी चुनाव लड़नू पैल पूजा पाठ दिनवार करीकन अपर नामांकन कना खातिर जाणा। अपर द्यो द्यवतों तै सुमरणा छन। यनी उत्तराखण्ड पूर्व मुख्यमंत्री अर काग्रेंस कद्दवार नेता, हरीश रावत न भी चुनाव मा नांमाकन कन से पैल अपर कुल द्यवता तै सुमरी।

Loading...


काग्रेंस क टिकट फाईनल हूण बाद नैनीताल संसदीय सीट बटी प्रत्याशी हरीश रावत न सोशल मीडिया मा ऑडियो जारी करी। जैमा उन ब्वाल कि अब्बी अब्बी मी तै नैनीताल संसदीय सीट बटी चुनाव लड़न निर्देश मिली गेन।
उन ये सीटी बटी लड़न ह्वाळ तमाम दिग्गज कू नाम ल्यायी अर ब्वाल कि यख विशाल व्यक्तित्व ये क्षेत्र क प्रतिनिधित्व करी चुकी गेन। मी सदनी क तरां तुलना से बचदू, मगर अतीत क जरूर अध्ययन करलू। चुनाव लड़न ह्वाळ प्रत्येक व्यक्ति क संकल्प रचनात्मक च। मेरे सब्बी प्रतिद्वदीं मे से ज्यादा योग्य छन अर मे कुणी सम्मान क पात्र भी छन। हम व्यक्तिगत कटुता अर आलोचना से बचण क प्रयास करला। चुनाव मा सद्भावना क वातावरण बणै कन हम अगड़ी बढला। विश्वास बणे कन रख्यां कि आलोचना संसदीय मर्यादा क दायरा मा ह्वाव। मी थुड़ा सकुचाणा छौं, क्या मी तुमर अपेक्षा अनुरूप अफू तै खरू बणै कन रख सकलू। क्या मी तुमर इम्तियान मा पास ह्वे सकलू यी बड़ू सवाल च। आखिर मा उन ब्वाल कि हे कुल द्यवता मेरी मदद करीन।

Loading...

Leave a Reply

Your email address will not be published. Required fields are marked *