हाईकोर्ट न गुप्ता भयों क नौन्याळूं झरख फरख ह्वाळ ब्यौ पर हुयूं खर्च ब्यौरा मॉगी

हाईकोर्ट न चमोली जिलाधिकारी तै उद्योगपति अजय अर अतुत गुप्ता भयों क नौन्याळूं झरख फरख ह्वाळ ब्यौं पर हुयूं खर्च ब्यौरा कोर्ट मा पेश कना आदेश जारी कर्यां छन। जनहित याचिका पर सुणवे करद बगत कोर्ट न पूछी कि औली बुग्याळ क्षेत्र सौन्दर्यीकरण खातिर क्या करे जै सकदू अर कथगा खर्च आल। डीएम नन कोर्ट मा शपथ पत्र देकन ब्वाल कि अजों तकन 3.55 करोड़ रूप्या त खर्च ह्वे गीन। ये पर कोर्ट न तीन हप्ता मा विस्तृत जबाब दीण खुणि बुल्यूं छ।
मुख्य न्यायधीश रमेश रंगनाथन अर न्यायमूर्ति आलोक कुमार वर्मा खण्डपीठ समणी काशीपुर रैवासी अधिवक्ता रक्षित जोशी जनहित याचिका पर सुणवे ह्वायी। याचिका मा रक्षित जोशी न ब्वाल कि उत्तराखण्ड औली बुग्याल मा 18 से 22 जून तकन हूण ह्वाळ गुप्ता भयों क नौन्याळू ब्यौ मा करीब 422 करोड़ रूप्या खर्च करे गीन। मेहमान तै लाण लिजाण मा करीब 200 हैलीकॉप्टर व्यवस्था करे ग्यायी। यूं हैलीकॉप्टर से पर्यावरण तै नुकसान दगड़ी बुग्याळ अर क्षेत्र मा रैवास कन ह्वाळ जंगळी जानवर पर भी प्रतिकूल असर पड़ी। याचिकाकर्ता न ब्वाल कि राज्य सरकार हाईकोर्ट वै आदेश अवहेलना कनी जै मा कोर्ट न पहाड़ी क्षेत्र बुग्याळ मा कै भी तरीका गतिविधि पर प्रतिबंध लगयूं छ्यायी। सभी पक्षौं सुणवै कना बाद हाईकोर्ट खण्डपीठ जिलाधिकारी चमोली खुणि आदेश दियेन कि उ पूर खर्च ब्यौरा कोर्ट समणी पेश करो।

Leave a Reply

Your email address will not be published. Required fields are marked *