भाजपा विधायक क बड़ू बयान, मसूद अजहर गळ काटी कन मुण्ड लेकन लाण ह्वाळ तै मिल 10 लाख इनाम

पुलवामा हमला बाद मंगलवार देर रात भारतीय सैनिकू न आंतकियूं खिलाफ जबाबी हमला मा देशभर मा खुशी माहौल च। वखी ये तै लेकन उत्तराखण्ड क विधायक भाजपा संजय गुप्ता क बड़ू एलान करी। उन जैश-ए-मोहम्मद क सरगना मसूद अजहर क मुण्ड तकन कीमत लगै द्यायी। उन ब्वाल कि मसूद अजहर मुण्ड काटी कन लाण ह्वाळ तै दस लाख रूप्या क इनाम दिये जाल। ये दगड़ी उन ब्वाल कि प्रधानमंत्री नरेन्द्र मोदी न आतंकवाद खिलाफ जबाबी काररवे करी कन अपर 56 इंच की छाती कहावत तै सिद्ध करी द्यायी। पत्रकारू दगड़ी वार्ता करी कन भारतीय सैनिकू की ये काररवै की प्रशंसा करी। उन ऐथर ब्वाल कि भारतीय वायु सेना न अद्धा रात मा पाकिस्तान की शरण मा रैवास कन ह्वाळ आतंकियू पर हमला करी कन साबित करी द्यायी कि भारतीय सेना कै भी मामला मा पैथर नी च, उंक यन भी बुलण कि यीं काररवै से मोदी सरकार क रूख साफ ह्वे ग्यायी। पाकिस्तान तै ये काररवे से सबक लीण चियांद। अगर अब भी पाकिस्तान अपर यख आंतक की खेती कन बंद नी करल त सेना तै मजबूर ह्वे कन ये से भी बड़ी काररवे कन पड़ सकदू। उन यन भी ब्वाल कि जन जम्मू कश्मीर पुलवामा मा आतकियूं न भारतीय सैनिकू पर हमला करी छ्यायी। उनी भारतीय वायु सेना न होली से पैल आतंकियूं क खून की होली खेली कन बदलू ल्यायी, अर सेना तै चियाणा कि उ आतंकियू तै छांटी छाटीं कन मारो।

Loading...

Leave a Reply

Your email address will not be published. Required fields are marked *