जैं बात डर छेयी, स्या बात ह्वे ग्यायी, लक्ष्मणझूला- कांडी सड़क पर ओवर लोड़ ट्रक कूड़ मत्थी पड़ी

यमकेश्वर प्रखण्ड मा घट्टुगाड़ नजीक हेंवल नदी मा हूण ह्वाळ खनन ट्रक आण जाण से क्वी ना क्वी घटना सूणन मा आणा रै करदन। भार क्षमता से ज्यादा लोड़ लेकन दिन रात अटकण ह्वाळ भारी भरकम ट्रक आण जाण से 16.2 टन भार क्षमता ह्वाळ घटटूगाड़ मा हेंवल नदी मत्थी बण्यू पुळ तै खतरा ह्वे ग्यायी। ये पुळ मत्थी आण जाण अर अटकण ह्वाळ भारी भरकम ट्रकौं तै आण जाण दिखे जै सक्यांद, ये बाबत कई बार स्थानीय ग्रामीणौं अर क्षेत्रीय प्रतिनिधियों न आवाज भी उठै, लेकिन नतीजा ढाक वी तीन पात।

 

    सुदेश भट्ट अर क्षेत्रीय रैवासीयूं न बतै कि घटट्गाड़ मा शनिवार कुणी रेत भर्यू ओवर लोडिंग ट्रक सड़क तै तोड़ी कन स्थानीय रैवासी बचन सिंह कूड़ क मत्थी लमड़ी ग्यायी जैसे कूड़ क्षति ग्रस्त ह्वे ग्यायी, उ त शुकर छ कि बड़ी अनहोनी टळ ग्यायी। आज घटना से स्थानीय ग्रामीणौं न नागरिकौं मा रोष प्रकट करी। स्थानीय रैवासियूं न ब्वाल कि जब तकन क्षति ग्रस्त मकान मालिक तै ट्रक या खनन सचालक उचित मुवावजा नी दींदिन तब तकन ट्रक तै यख बिटी उठाण नी दीण। ये से पैल भी यख ट्रकौं द्वारा पाॅच जगह पर सड़क पुस्ता तुड़या छन अर घटट्गाड़ मा भी गदन मत्थी बणी पुलिया भार क्षमता ज्यादा ट्रकौं आवाजाही से जर्जर हालात ता तब्दील ह्वे ग्यायी, अर पूर सड़क जगहा जगहा जानलेवा गढ्ढों मा तब्बील ह्वे ग्यायी।

Loading...

Leave a Reply

Your email address will not be published. Required fields are marked *