बड़ी खबरः कर्नल कोठियाल क लोकसभा चुनाव लड़न से इंकार, 2022 मा थर्ड फ्रण्ट बणै कन विधानसभा चुनाव लड़न करी गेन इशरू

अजकली लोकसभा चुनाव मा हर दिन नै खबर मिलणा रंदीन, उत्तराखण्ड पौड़ी सीट पर त्रिकोणीय मुकाबला मा अहम मने जाण ह्वाळ कर्नल कोठियाल न लोकसभा चुनाव लड़न से मना करी द्यायी। उन आज प्रेस कांॅ्रफ्रेस करी कन पौड़ी सीट बटी निर्दलीय चुनाव लड़न से ना बोली द्यायी। देहरादून मा उरयीं प्रेसवार्ता मा कर्नल कोठियाल न ब्वाल कि उ एक राष्ट्रवादी छन, लेकिन लोकसभा चुनाव क बाटू उंते दिल्ली जोग करी द्यांद। जबकि उ उत्तराखण्ड की सेवा मा रण चंदीन जै वजह से राज्य स्तर पर ही अपर काम तै ऐथर बढाणा राल। जाहिर च कि कर्नल कोठियाल न निर्दलीय चुनाव लड़न पर 14 विधानसभा सीट ह्वाळी लोकसभा पौड़ी क चुनाव लड़न से अफू तै राष्ट्रीय पार्टीयूं क मुकाबला मा आर्थिक अर मानव संसाधन मा काफी कमजोर महसूस करी कन यी दूरगामी कदम उठैन।
पिछल 02 दिनू मा भाजपा- काग्रेंस जणी राष्ट्रीय पार्टीयु सें परेशान ह्वे कन कर्नल कोठियाल क शुभचिंतक अर संगठनू न भी कोठियाल तै निर्दलीय रूप मा लोकसभा चुनाव नी लड़न की सलाह द्यायी। यी लोग उंक भाजपा यष काग्रेंस जणी पार्टी क टिकट पर चुनाव लड़न क इच्छुक नी छन। वन उन प्रेस कान्फ्रेस मा उ इशरू ही इशरू मा तीसर मोर्चा 2022 क विधानसभा चुनाव संभावना भी जतायी अर जै ते लेकन उ थर्ड फ्रण्ट बणै कन नै पार्टी तौर पर उत्तराखण्ड मा विधानसभा चुनाव लड़ी सकदन।

Loading...

Leave a Reply

Your email address will not be published. Required fields are marked *