यीं लेडी सिंघम चर्चा हर कै गिच्च पर, द्वी साल मा करीन यन काम जै जिकर दूर दूर तकन हूणा

दस साल बाद यमकेश्वर बेटी निवेदिता कुकरेती दून की पैल इन कप्तान बणी ग्यायी जौन बुधवार दिन द्वी साल कार्यकाल पूर करयाल। पिछल सालू मा कप्तान साढे तीन मैना बिटी से लेकन 13 मैना से ज्यादा दिन क्वी नी रायी। कुकरेती कार्यकाल मा अपराध भी खूब ह्वेन, लेकिन पुलिस टीम अपराधियूं पर भारी रायी। पिछल 24 मैना मा पुलिस समणी सिरफ अब सरस्वती विहार मा जनानी ज्वैलर्स अर बंसत बिहार मा शराब ठेकेदार दगड़ी हुयीं लूट खुलासा कने की चुनौती बकै रयीं।
एसएसपी निवेदिता कुकरेती क द्वी साल कार्यकाल पूर हूण बाद बुधवार दिन उपलब्धियूं की जाणकारी दिये ग्यायी। कुकरेती न 16 मई 2017 कुणी जब जिला कार्यभार संभाळी छ्यायी वे बगत डालनवाला कोतवाली क्षेत्र की साकेत कॉलोनी मा ब्यापारी यख हुयीं डकैती उंते विरासत मा मिली। डकैती खुलासा तै लेकन सरकरी दबाब छ्यायी, पुलिस यी वारदात पोल नी खोली पायी त ये तर्ज पर डोईवाला मा डकैती दूसरी वारदात ह्वे ग्यायी। पुलिस न कुच्छ दिन बाद द्वी वारदात मा शामिल गैंग तै गिरप्तार करी कन अपर हुनर लोहा मनवायी।
द्वी साल मा जिला मा हत्या की 51 घटना ह्वेन। यूं मा शामिल 74 लोगू तै गिरप्तार करी। ये मा 74 लोग पकडे गेन। पटेलनगर ब्वे न करी बेटी हत्या कू खुलासा वखी श्यामपुर मा द्वी नाबालिग दगड़ी दुष्कर्म अर हत्यारोपी आरोपी सरदार परवान सिंह तै फांसी की सजा भी शामिल च। यनी देश पैल मुकदमा एटीएम क्लोनिंग जै मा अलग अलग 98 केस दर्ज ह्वे छ्यायी। पुलिस न एक मैना मा भागदौड़ करी कन हरियाणा की जनानि अर चार आरोपियं तै पकड़ी। आरोपियूं बटी खाता मनन लापता कर्यां 55 लाख रूप्या से दुगुण संपत्ति जफत करी। सितम्बर 2017 मा उत्तराचंल डेंटल कॉलेज लाल तप्पड डोइवाला भीतर बण्यूं गंगोत्री चैरिटेबर अस्पताळ नाम से किडनी निकळण अवैध कारोबार क भंडाफोड़ करी। पुलिस न रैकेट सरगना अमित राउत समेत 17 आरोपियूं तै पकड़ी कन बड़ी उपलब्धि हासिल करी। वखी सहसपुर मा बोर्डिग स्कूल की छात्रा से दुष्कर्म अर गर्भपात कराण मामला मा भी पुलिस की कार्यप्रणाली तै खूब सराहना मिली। पुलिस न स्कूल प्रबन्धन से जुड़या नौ आरोपियूं तै पकड़ीकन पूर खेल तै सब्यूं समणी लायी। एसएसपी निवेदिता कुकरेती द्वी साल कार्यकाल मा 11 करोड़ 37 लाख क मादक पदार्थ बरामद करी।

Loading...

हर मामला तै चुनौती रूप मा ल्यायी

वरिष्ठ पुलिस अधीक्षक निवेदिता कुकरेती बुलण च कि अपराध से जुड़या हर मामला तै चुनौती रूप मा ल्यायी। उपलब्धियूं क पूर श्रेय पुलिस टीम तै जांद। सिपै से लेकन थाना प्रभारी, सीओ, अर एसपी न टीम भावना से काम करी। येकी बदौलत पुलिस तै हर कदम पर कामयाबी मिली। उन ब्वाल कि अब अपराधी पुलिस की हर तकनीक से वाकिफ च। उ हर घटना तै नै नै तौर तरीका से अजांम दीणा।

Loading...

Leave a Reply

Your email address will not be published. Required fields are marked *