हूण छेयी परीक्षा, सुनींद सियां छ्यायी मास्टर जी, अभिभावकू न दरवजू तोड़ी कन बिजाळी

नैनीताल जिला मा ओखलाकांडा क डालकन्या प्रथमिक जूनियर हाई स्कूल मा तैनात एक मास्टर जी सोमवार सुबेर काफी देर तकन सियां मिलीन, ये कारण स्कूल्या नौन्याळू क सालाना परीक्षा द्वी घंटा देर मा शुरू ह्वायी। हालांकि शिक्षा विभाग अधिकारियूं न मास्टर की तबीयत खराब हूण कारण से अद्धा घंटा देरी से शुरू हूण की बात बतायी। डालकन्या क अभिभावक दीपक पनेरू, सुरेश पनेरू, सतीश पनेरू न बतै कि सोमवार सुबेर दस बजे बटी कक्षा एक से आठ तक बच्चो संस्कृति विषय परीक्षा छेयी। स्कूल्या नौन्याळ बगत पर स्कूल पौंछी गे छ्यायी, लेकिन स्कूल मा तैनात तीन मनन एक भी मास्टर नी पौछीं छ्यायी, एक मास्टर कमरा स्कूल समणी च।
मास्टर न दरवज नी ख्वाल त तब तुड़न पड़ दरवज
ये मौका पर अभिभावक लोग मास्टर कमरा समणी गेन, वख द्याख त मास्टर कमरा भीतर बंद छ्यायी। काफी देर खटखटाण पर भी जब मास्टर न दरवज नी ख्वाल त उन दरवज तोड़ द्यायी। अभिभावकू न बतै कि मास्टर वख सियां मिलीन तब उंते बिजळे ग्यायी। ये कारण सुबेर दस बजे बटी हूण ह्वाळी परीक्षा द्वी घंटा देर मा दुफरा मा शुरू ह्वायी। ये पर अभिभावकूं न कड़ी नाराजगी जताई।
ममला हमर जानकारी मा च, लेकिन मास्टर की तबियत खराब हूण कारण कमरा मा सियां रैगेन। बाद मा पटवरी अर होर स्टाफ तै भिजे ग्यायी उंते उठळे ग्यायी अर सुबेर 10ः30 बजे बटी परीक्षा शुरू ह्वायी। येक अलावा होर द्वी मास्टर जाम मा फंस्या हूण कारण उंते स्कूल पौछण मा 15 मिनट की देर ह्वे ग्यायी।

  • कमलेश्वरी मेहता, उप जिलाशिक्षाधिकारी ओखलाकांडा।
Loading...

Leave a Reply

Your email address will not be published. Required fields are marked *