भारत मा ये मैना तकन  कोआलीरोना वैक्सीन, या ह्वेळी कीमत

भारत मा कोरोना वायरस वैक्सीन (COVID-19 Vaccine) कब आली, ये कीमत क्या ह्वेली ? या वैक्सीन कख उपलब्ध ह्वेल? यी सवाल सभी देशवासियों क मन मा लगातार उठणा छन। ये तै देखी कन वैक्सीन बणाण ह्वाल कंपनी सीरम इंस्टीट्यूट ऑफ इंडिया क सीईओ अदार पूनावाला न यूँ सवालों क जवाब द्याय। उक बुलण छ्यायी कि ऑक्सफोर्ड की कोविड-19 वैक्सीन स्वास्थ्यकर्मियों अर बुजुर्ग लोगू कुणी 20 फरवरी तक अरर आम जनता बाबत अप्रैल तकन उपलब्ध ह्वे जाल। येक अलावा, उन ब्वाल कि येक द्वी डोज की कीमत अधिकतम हजार रुपया ह्वेली। उक मनण छ कि संभवत: 2024 तकन प्रत्येक भारतीय तै टीका लग जाल। पूनावाला न ब्वाल कि संभवत: द्वी से तीन साल मा हर भारतीय क टीकाकरण ह्वे जाल। वैक्सीन की आपूर्ति क अलावा आप तै बजट, लॉजिस्टिक्स, इन्फ्रास्ट्रक्चर क जरूरत ह्वेली। येक अलावा लोगू तै वैक्सीन लीण बाबत तैयार कन ह्वाल। इन मा 2024 तक सभी लोगू क टीकाकरण ह्वे जाल।

भारत तै सस्ते मा उपलब्ध ह्वेली वैक्सीन
हिंदुस्तान टाइम्स लीडरशिप समिट (HTLS) क दौरान पूनावाला न वैक्सीन की कीमत तै लेकन सवाल क जवाब देकन ब्वाल कि द्वी आवश्यक खुराक की कीमत हजार रुपया ह्वेली। भारत सरकार वैक्सीन बड़ी मात्रा मा खरीदली, यन मा उ मा सस्तू मा उपलब्ध ह्वेली। ये की कीमत कोवैक्स क करीब ह्वेली। बाजार मा मौजूद अन्य टीकों की तुलना मा हम कोरोना का टीका काफी सस्तू मा उपलब्ध कराणा छन।

कोरोना क टीका कतना प्रभावी ह्वेली ? ये बाबत मा उन ब्वाल कि ऑक्सफोर्ड-एस्ट्राज़ेनेका क टीका न बुजुर्ग लोगू पर भी अच्छा रिजल्ट द्याय, जू पैल एक चिंता क विषय छ्यायी। येन अच्छी टी-सेल प्रतिक्रिया दिखाई। यन मा यी लंबू बगत तकन कोरोना क खिलाफ प्रतिरक्षा प्रदान कर सकद। हालांकि, समय दगड़ी ही पता चलल कि या वैक्सीन लंब समय तक प्रभावी ह्वाल या ना। फिलहाल क्वी भी येक जवाब नहीं दे सकद।

बच्चों तै थोड़ा इंतजार कन पड़ल
पूनावाला न ब्वाल कि सुरक्षा डेटा आण तकन बच्चों तै थोड़ा इंतजार कन ह्वाल, लेकिन अच्छी खबर या छ कि कोरोना उकुन ज्यादा खतरनाक नी च। ऑक्सफोर्ड वैक्सीन सस्ती अर सुरक्षित छ। ये तै स्टोर कना बाबत द्वी से आठ डिग्री सेल्सियस क तापमान क जरूरत ह्वेळी, जू भारत क कोल्ड स्टोरेज कुणी आदर्श तापमान छ। उन ब्वाल कि सीरम की योजना फरवरी से प्रति माह लगभग 10 करोड़ खुराक बणाण की च। भारत तै ये की कथगा खुराक प्रदान करे जाली? ये संबंध मा पूनावाला न ब्वाल कि अभी भी बातचीत चलणा च,ये बाबत ये संबंध मा क्वी समझौता नि ह्वाई।

Loading...

Leave a Reply

Your email address will not be published. Required fields are marked *