देहरादून पुलिस ये काम वजह से कमाणी प्रदेश अर अपर महकमा नाम

कोरोना संक्रमण से बचाण अर आम जनमानस सेवा मा जुटीं देहरादून पुलिस अर स्थानीय दगड़ी विदेशियूं दिल भी जीत याल। अ़द्धा दर्जन देशूं दूतावास न जिला मा फंस्थ्या उंक देश रैवासियूं मदद करी कर सुरिक्षत भिजण पर पुलिस की खूब बडै़ करी। यख तकन कि डीआईजी अरूण मोहन जोशी अर नोडल अधिकारी एसपी क्राईम लोकजीत सिंह तै संवेदनशील अफसर बणायी। कोरोना वायरस संक्रमण रूकणा बाबत देश मा 24 मार्च बिटी लॉकडाउन लगी छ्यायी, तब जिला मा करीब 24 देशूं 125 लोग फंस्या छ्यायी।

यन मा सुरक्षा दगड़ा दगड़ी उंकी जरूरत तै पूर कन की चुनौती छेयी। संबंधित देशूं दूतावास दगड़ी समन्वय बणै कन कंट्रोल रूम क प्रभारी एसपी क्राईम लोकजीत सिंह न ऋषिकेश अर टिहरी पुलिस मदद से एक एक विदेशी जरूरतौं तै पूर करायी। पुलिस न यूं विदेशी नागरिकौं तै विशेष विमान मा रवानगी मा भी भूमिका निभै छ्यायी। यूं मा सबसे ज्यादा 58 लोग जर्मन रैवासी छ्यायी। येक अलावा फ्रांस 20, कनाड़ा, 8, बा्रजील, 12 यूएसए क 15 साउथ कोरिया 05 इजरायल 06 लोग शामिल छ्यायी। येक अलावा न्यूजीलैण्ड, आस्ट्रेलिया, जापान, नीदरलैण्ड, अर्जेंटीना, इटली, बेल्जियम, स्पेन, ताईवान, यूनाईटेड, किंगडम, होर देश लोग शामिल छन। ब्राजील, इजराईल, फ्रांस, स्वीडन, कनाडा, जणी देश क दूतावास न डीआईजी जोशी अर एसपी क्राईम लोकजीत सिंह नौं धन्यवाद चिठ्ठी भेजीकन पुलिस काम खूब बड़ै करी। चिठ्ठी मा लिख्यूं कि पुलिस व्यवहार बौत भलू छ्यायी। दूसर निर्धारित बगत से पैली ही पास जारी करी कन अपेक्षा से ज्यादा मदद करे ग्यायी।

केरोना की यी लड़ै मा पुलिस सामुहिक प्रयास से ही बेहतर ढंग से अपर दायित्व अर ड्यूटी कना छन। सिपाही से लेकन अधिकारी तकन मन लगै कन काम कना छन। दूतावास बिटी अयां सराहनीय चिठ्ठी वैकी परिणाम छ। निसंदेह हर फ्रंट पर पुलिस न शानदार काम करी।
अरूण मोहन जोशी, डीआईजी।

कत्ती देशूं बटै दूतावास क सराहनीय चिठ्ठी से निसंदेह पुलिस मनोबल बढल। कंट्रोल रूम स्टाफ दगड़ी फील्ड मा काम कन ह्वाळ पुलिस कर्मचारी भी बधै पात्र छन।

लोकजीत सिंह एसपी क्राईम, नोडल अधिकारी, कोविड- 19
.

Loading...

Leave a Reply

Your email address will not be published. Required fields are marked *