गरमागरम चुनाव 2019ः पूर्व उत्तराखण्ड मुख्यमंत्री अर भाजपा केन्द्रीय मत्री बेटा मनीष खण्डूरी ह्वाल कांग्रेस मा शामिल, पौड़ी से लड़ सकदन चुनाव

उत्तराखण्ड क पूर्व मुख्यमंत्री अर भाजपा सरकार मा पूर्व केन्द्रीय मंत्री अर जण्या मण्या नेता क बेटा काग्रेंस मा शामिल ह्वे सकदन यन खबर खूब सियासी गिळयूं मा चर्चा की विषय बणी च। खबरयों खबर अर छुयांळू छुयीं हिसाब से पूर्व मुख्यमंत्री मेजर भुवन चन्द्र खड़ूडी बेटा मनीष खंडूडी काग्रेंस मा शामिल ह्वे सकदन। 16 मार्च कुणी राहुल गॉधी की देहरादून मा प्रस्तावित रैली मा मनीष खंडूडी शामिल ह्वे सकदन। ये से पैल उत्तराखण्ड कैबिनेट मंत्री सतपाल महाराज अर हरक सिंह रावत क काग्रेंस मा जाणा की छुयीं भी खूब लगणी छेयी। जै बाबत सतपाल महाराज न दिल्ली मा प्रेस कांफ्रेस करी कन ये बाबत अपरी सफै द्यायी। उन ब्वाल कि मी बीजेपी तै छोड़ी कन जाणा छोंउ यीं बात मा कत्तै भी सच्चे नी च। वखी मनीष खंडूडी क कागेंस मा शामिल हूण मामला पर भाजपा अध्यक्ष अजय भट्ट न ब्वाल कि मनीष भाजपा कार्यकर्ता नी छन। भाजपा बटी क्वी भी नेता या कार्यकर्ता काग्रेंस मा नी जाणा च। काग्रेंस क कत्ती बड़ू नेता भाजपा मा आणा कुणी तैयार बैठ्या छन। गुण दोष आधार पर ही नेताओं तै पार्टी मा रळये जाल। खबरयों बटी खबर मिलणी कि सैनिक पृष्ठभूमि क अगर अजय कोठियाल तै बीजेपी बटी टिकट मिलद त उंक समणी काग्रेंस बटी सैनिक पृष्ठ भूमि नेता बेटा मनीष खंडूडी तै भी काग्रेंस टिकट देकन चुनौ लड़ै सकदी। अजों पैल द्वी पार्टी कर्नल अजय कोठियाल तै दिखणा छन कि उ कै पार्टी दामन थमदन।

Loading...

Leave a Reply

Your email address will not be published. Required fields are marked *