महाकवि कन्हैयालाल डंडरियाल साहित्य सम्मान अर लोक भाषा-पत्रकारिता सम्मान – 2018

उत्तराखण्ड लोकभाषा साहित्य मंच, दिल्ली द्वारा महाकवि कन्हैयालाल डंडरियाल साहित्य सम्मान अर लोक भाषा-पत्रकारिता सम्मान – 2018 कि घोषणा कर्दा आप तैं सूचित करे जाणौं छ कि वर्ष 2018 को महाकवि कन्हैयालाल डंडरियाल साहित्य सम्मान हिन्दी अर गढ़वाली की सुप्रसिद्ध कवियत्री अर द्वी शब्दकोशों की सृजिका श्रीमती बीना बेंजवाल अर लोकभाषा-पत्रकारिता सम्मान सुप्रसिद्ध कवि, कुशल मंच संचालक अर धाद का सम्पादक श्री गणेश खुगशाल गणी जी तैं दिये जाणौं निर्णय निर्णायक मण्डलन ल्हे।

कै साहित्यकारों की पुस्तकों को अवलोकन कनां बाद यु फैसला सर्वसम्मति से लिये गे। जौं म साहित्यकार छन सर्वश्री रमेश घिल्डियाल, श्री गिरीश सुन्दरियाल, ड़ाॅ वीरेन्द्र बर्त्वाल , श्री महावीर सिंह रवांल्टा, श्री सन्दीप रावत, श्री धर्मेन्द्र सिंह नेगी, श्रीमती बीना बेंजवाल, श्री रमेश हितैषी आदि जौं साहित्यकारों कि पुस्तक पौंछिन वों परैं विचार विमर्श करेगे। अर श्रीमती बीना बेंजवाल जी तैं वर्ष 2018 का साहित्य सम्मान दिये जाणा निर्णय लियेगे। अर पत्रकारिता सम्मान वरिष्ठ कवि, कुशल मंच संचालक अर धाद गढ़वाली पत्रिका का सम्पादक श्री गणेश खुगशाल गणीं जी तैं दिये जाणौं निर्णय लियेगे।

आगामी रविवार यानि 27 जनवरी, 2019 खुणि रास विहार, डीडीए मैदान, नजदीक मण्डावली, मैट्रो स्टेशन म आयोजित विशाल समारोह म उक्त द्वी विभूतियों तैं सम्मानित करे जालु।

सर्वश्री ललित केशवान, पूरन चन्द्र काण्डपाल, जयपाल सिंह रावत, चन्दन प्रेमी, डाॅ. सतीश कालेश्वरी, दर्शन सिंह रावत, पृथ्वी सिंह केदारखण्डी, रमेश हितैषी, ओमप्रकाश आर्य, नीरज बवाडी, वीरेन्द्र जुयाल उपरि, श्रीमती ममता रावत, मंदाकनी, अनूप रावत, आशीष सुन्दरियाल, विमल सजवाण ।

दिनेश ध्यानी अनिल पन्त
संयोजक समन्वयक

Leave a Reply

Your email address will not be published. Required fields are marked *