बच्चौं सेहत रखण खातिर टिफिन मा यीं चीज तै दे सकदो, बच्चा भी खुश सेहत भी तंदरूस्त

आज जमन मा लोगू जीण रंग ढंग बदली गीन, अर भागमभाग यी दौड़ मा बच्चा भी दौड़ लगाणा छन। दिखे जाव त उंकी जिदगी मा केवल स्कूल जाण अर पढै कन ही काम नी छ बल्कण होर कत्ती काम मा उंकी भागीदारी रै करदी। इन मा उंक खुराक ख्याल रखण जरूरी छ। आज जमन मा फास्ट फूड या जंक फूड़ ज्यादा खाणा छन, कत्ती घर मा उंक यी टिफिन हिस्सा भी छ, जै कारण नौन्याळ पोषण से दूर हूंद जाणा छन। यी स्थिति मा इन स्वास्थ्यवर्धक चीज खिलाण जरूरत छ जैसे नौन्याळौं तै भरपूर खुराक मिल सको।

 वरिष्ठ डॉक्टर विपुल कण्डवाल, गैस्ट्रोलॉजिस्ट न बतै कि टिफिन इन ढंग हूण चियांद कि जू नौन्याळू दिन भर जरूरत तै पूर कर सकों। टिफिन मा ताज ताज फल अर सब्जी, शामिल हूण चियांद। कोशिश कन चियांद कि पास्ता, सैंडविच जणी चीज अंगरियूं नाज अर सब्जी बणै कन द्याव।

उन इन भी बतै कि हमर आसपास मिलण ह्वाळ कम से कम द्वी या तीन मौसम अनुसार अनाज सही अनुपात में लेकर मल्टीग्रेन आटा तैयार कर सक्यांद। यूं से रूटी, डोसा, चीले, इडली अर होर कुछ बणै कन टिफिन मा डाळ सकदो। पाणी बोतल मा साधारण पाणी जगह मा बच्चौ तै नीबूं पाणी, शिकंजी या कभी कभी ग्लूकोज मिल्यूं पाणी दे सकदो।
उन बतै कि नौन्याळूं तै पंसद आण ह्वाळ कटलेट्स अर रोल्स तै रळौ मिसौ बेजीटैब पनीर अर कॉर्न मदद से बणै कन दे सकदो। नौन्याळौ। तै फल जूस निकाळी कन दीण बदल मा पूर फल खाणा आदत डळण चियांद, ताकि उंक शरील मा फाईबर पूर्ति ह्वे सको। छिलकों मा मौजूद विटामिन भी मिली सको। जख तकन ह्वे सको मौसमी फल खलाव। बच्चौं तै मैदा अर वैक बणी चीज जगह मा गेहूॅ आटू, बेसन, सूजी अर अजकाल मिलण ह्वाळ ओट्स तै विकल्प तौर पर इस्तेमाल कर सकदो।

टिफिन मा यूं चीज तै दीण से करे जाव परहेज

नौन्याळू तै टिफिन मा मैगी,पास्ता, फ्रेंच, फा्रईज, चाऊमीन, पिज्जा, बर्गर यी सब नी द्याव। ये से नौन्याळौं सेहत खराब ह्वे सकदी। टिफिन मा विटामिन, मिनरल कैल्शियम आदि से भरपूर चीज हूण चियांद। बच्चौं तै रात मा पूछ सक्यांद कि सुबेर टिफिन मा क्या खाण पसंद करली।

Leave a Reply

Your email address will not be published. Required fields are marked *