ब्यो की दावत खै कन 120 लोगू तबियत बिगड़ी अस्पताल मा भर्ती

उत्तराखंड क ऊधमसिंहनगर मा जसपुर क गांव भगवंतपुर मा शादी से पैल दीये जाण ह्वाली दावत (मंढे की दावत) खै कन 120 से ज्यादा अधिक ग्रामीण लोगू की तबियत बिगड़ ग्यायी। आनन फानन मा उते काशीपुर क निजी अस्पतालों मा भर्ती करये ग्यायी । पुलिस केस क डर से आयोजक कै भी तरह की जाणकारी दीण से बचना रैन।

जाणकारी क हिसाब से ग्राम भगवंतपुर मा एक नौन बेटे इतवार कुणी ब्यो छ्यायी । शनिवार रात मा वेक बुब्बा न पूर गांव तै मंढे की दावत देयी। दावत मा उड़द की दाळ अर भात बंन्यू छ्यायी। बतायाणा च की कि खाणा खाण बाद कत्ती गाँव रैवासयू तै उल्टी-दस्त शुरू ह्वे गेन ।

एक एक करि कन करीब 120 से से ज्यादा ग्रामीणों की तबियत बिगड़ती देखिकन ब्यो ह्वाल परिवार क हत्थ खुट्टा फूली गेन। आनन-फानन मा आयोजक परिवार क लोग गंभीर रूप मा बीमार ग्रामीणु तै काशीपुर क प्राइवेट नर्सिंग होम मा लेकन गीन। वखि अधिकतर ग्रामीण गांव मा डॉक्टर बटी इलाज कराणा रैन

गांव क एक डॉक्टर न आशंका जताई कि ग्रामीणु की तबियत फूड प्वॉइजनिंग क कारण बिगड़ी ह्वेल। नाज पर कीडू न लगो ये कुणी ग्रामीण वैमा कीटनाशक डाळ दे कर दन । आशंका जतयाना च कि उड़द अर चौल मा कीटनाशक रै ह्वाव अर खाणा बणाण से पैल ये तै सही से नि धुए गे ह्वाल ।

बतायाणा च कि बीमार पड़या लोगू मा सिर्फ पुरुष ही शामिल छन। ये से पैल की जनन ये खाणु तै खांदी मरदू की तबीयत बिगड़न लगीं, जै कारण उन फिर खाणुक नि खायी । ये बाबत पुलिस तै क्वी जाणकारी नि च ।

Leave a Reply

Your email address will not be published. Required fields are marked *