यन जोश अर जज्बा कुणी सलामः पति की शहादत बणी प्ररेणा, अफसर बणी वीरांगना संगीता, पूर कहानी या च

पति की शहादत जांबाजी एक वीरांगना कुणी प्ररेणा बणी गे। राईफल मैन शहीद शिशिर मल्ल की घऽरवळी नारी संगीता मल्ल सेना मा अफसर बणी ग्यायी। वा शनिवार कुणी आफिसर्स ट्रेंनिग एकेडमी (ओटीए) चेन्नई बटी पास आउट ह्वेकन लेफ्टिनेंट बणी ग्यायी। ब्वारी की यीं कामयाबी से पूर परिवार मा खुशी माहौल च। द्वी सितम्बर 201 कुणी वींक पति शिशिर मल्ल देहरादून क चंद्रबनी रैवासी राईफलमैन शिशिर मल्ल बारामुला कश्मीर क राफियाबाद मा आतंकवादियूं तै मरद बगत शहीद ह्वे गे छ्यायी। सुरक्षाबलूं न राफियाबाद मा नौ घंटा तकन चलण ह्वाळ मुठभेड़ मा आंतकी संगठन लश्कर स इस्स्लाम क आतंकी तै मारी दे छ्यायी। यी मुठभेड़ मा 32 राष्ट्रीय राईफल्स क राईफलमैन शिशिर मल्ल शहीद ह्वे गे छ्यायी। शिशिर परिवार चंद्रबनी मा रैवास करदूं।
ज पति राईफलमैन शिशिर मल्ल की शहादत की खबर घऽरवळी संगीता तै मिली त वीं तै दुख की जिंदगी मा धकेल दे छ्यायी। ये बीच रानीखेत मा सेट्रल कमांड क एक कार्यक्रम उरये ग्यायी जै मा राईफलमैन शहीद शिशिर मल्ल क दगड़या भी शामिल ह्वेन। उन संगीता तै सेना मा जाणा खातिर प्रेरित करी। येक बाद संगीता वीर नारी समिति से जुड़ी ग्यायी। उंतो पति की शहादत बदला लीण सेना जा जाणे की प्ररेणा मिली। संगीता न ओटीए की तैयरी शुरू करी। संगीता कुणी ये बाट पर चलण क्वी सरल नी छ्यायी। वीन मेहनत से तैयरी करी अर पति की शहादत क तीन साल भीतर ही परीक्षा पास करी अर ओटीए चेन्नई मा प्रवेश ल्यायी। प्रशिक्षण पूर हूण बाद शनिवार कुणी संगीता पास आउट ह्वेकन सेना मा लेफ्टिनेंट बणी ग्यायी। उंक यीं कामयाबी से सासू रेणूका, मल्ल द्यूर सुशांत मल्ल, पिता भगवान सिंह नेगी बौत खुश अर उत्साहित छन। पारिवारिक मित्र राजेश मल्ल न भी खुशी जताई। ।

Loading...

Leave a Reply

Your email address will not be published. Required fields are marked *