यमकेश्वरः मैक्स दुर्घटना ग्रस्त हूण से स्कूल 06 बच्चों तै चोट, अस्पताळ खुणी रेफर करे गेन

अब्बी अब्बी खबर मिलणी कि आज सुबेर यमकेश्वर प्रखण्ड गुंडी गौं समणी एक मैक्स दुर्घटना ग्रस्त ह्वे ग्यायी।  इन बताणा छन कि संतुधार मनन सवरी नी मिलण पर गाड़ी मालिक विनोद नेगी खुद गाड़ी चलाणा छ्यायी उ ठुण्ड गौं स्कूल्या नौन तै लेकन आणा छ्यायी, तबरी गंुण्डी नजीक गाड़ी करीब 10 फीट तळ लम़ड़ी ग्यायी अर एक डाळ पर अटकी ग्यायी जैसे सब्बी जान बची ग्यायी।  गौं रैवास्यू न मिलीकन सब्बी बच्चांें तै मिलीकन गाड़ी बिटी भैर निकाळी अर वैक बाद  सब्बी नौन्याळू तै ऋशिकेष एम्स अस्पताळ खुणी निजी गाड़ी से भिजे ग्यायी, सब्यूं तै हळकी चोट अयीं छन।
बतयाणा छ कि जब संतुघार बिटी गाड़ी लेकन ऐथर आयी त गुण्डी नजीक क्वीनी सी मोड़ पर गाड़ी तै मुड़ना छ्यायी अर गाड़ी अनियंत्रित ह्वेकन भ्याळ मा पड़ी ग्यायी।  भ्याळ मा गाड़ी पड़दी ही हो हल्ला मची ग्यायी, अर तब गौं लोगून बच्चैं रेस्कयू करी भ्याळ बिटी भैर निकाळी कन अस्पताळ भिजे ग्यायी।  यमकेश्वर मा सड़क कच्ची हूण अर बरसात मा फिसलन से गाड़ी चलाण मा दिक्कत आंद।

Leave a Reply

Your email address will not be published. Required fields are marked *