बडू हादसा: सूपी जांण ह्वाल मैक्स खाई मा पड़ी , द्वियूँ की मौत, चार गंभीर घायल

⇓उत्तराखंड क बागेश्वर मा कपकोट बिटी सूपी जाण ह्वाल मैक्स जीप भैंसखाली तजिक गैरी खाई मा गिरण से द्वी लोगू की घटनास्थल पर ही मौत ह्वे ग्यायी। वखि ड्रेवर समेत चार होर गंभीर रूप मा घैल ह्वे गेन। हादसा इथगा भीषण छ्यायी की खाई मा पड़ी मैक्स क परखचे उड़ गेन। घैल लोगू जिला अस्पताल मा इलाज चलनू । हादसे क वजह पता नि चल पाई ।

शनिवार शाम तीन बजे मैक्स वाहन (यूके/02/सीए/0451) कपकोट बिटी सूपी कुणी चल छ्यायी। मुनार बैंड मा भैंसखाली क नजीक अनियंत्रित ह्वे कन गाड़ी लगभग 70 मीटर गहरी खाई मा पड़ी। गाड़ी मा सवार कुंवर सिंह(85) निवासी सूपी अर तारा सिंह(45) निवासी खलझूनी क मौके पर ही मौत ह्वे ग्यायी । दुर्घटना मा सूपी निवासी दुर्गा सिंह (45) पुत्र लाल सिंह, पूरन सिंह (53) पुत्र दलीप सिंह, यशोदा (25) पुत्री भूपाल सिंह अर चालक नंदन सिंह(35) नौन जगत सिंह घायल ह्वे गेन।

गंभीर रूप मा घायल सभी लोगू तै ग्रामीणों की मदद से कपकोट अस्पताल पहुंचये ग्यायी, जख प्राथमिक उपचार क बाद सभी तै जिला अस्पताल रेफर करे ग्यायी । घायलू की हालत अब भी गंभीर बणी च।

देर रात तक सभी घायलू तै हायर सेंटर रेफर करे जै सकदू । सूचना पर कपकोट पुलिस की टीम मौका पर पहुंची। डीएम रंजना राजगुरु व एसपी लोकेश्वर सिंह न घटना गहरा दुख जतायी । ब्वाल कि घायलू क इलाज मा कमी नि हूंण चियांद।

Leave a Reply

Your email address will not be published. Required fields are marked *