ब्यौ मनन बौड़द बगत ह्वे गे छ्यायी लापता, अब 29 साल बाद मृत घोषित ह्वेन स्वतंत्रता सैनानी

उत्तराखण्ड मा सिविल जल (जूनियर डिवीजन) मंजू देवी की अदालत न 29 साल बटी लापता सेनानी तै मृत घोषित करयाली। अब सेनानी क नौन्याळू तै पैतृक संपत्ति का अधिकार मिली जाल। चमोली क देवलधार गॉव के स्वाधीनता सग्रांम सेनाली कुर्मानंद डिमरी 7 जून 1990 कुणी ़ऋषिकेश मा एक ब्यौ मा शामिल हूणा कुणी अयां छ्यायी, वैक बाद लापता ह्वे गे छ्यायी। परिजनू अनुसार ऋषिकेश थाणा मा गुमशुदगी की रिपोर्ट भी दर्ज करै ग्यायी। गुमशुदा डिमरी तै खुजणा खातिर उंक नौन हरिशरण डिमरी समेत परिजनू न नाता रिश्तेदरी क ढूंढ खोज करी, लेकिन उंक पता नी चल। पिता क लापता हूण से उंक नौन तै पैतृक सम्पत्ति क अधिकार भी नी मिली पाणी छ्यायी। तब ये खातिर लापता स्वाधीनता संग्राम सेनानी नौन हरिशरण डिमरी न सिविल जज (जूनियर डिविजन) न्यायालय मा 25 अप्रैल 2018 कुणी दीवानी वाद दायर करी। सब्बी तथ्य अर सबूत आधार पर सोमवार दिन मामला मा सिविल जन मंजू देवी अदालत न कुर्मानंद डिमरी तै मृत घोषित करी द्यायी।

Loading...

Leave a Reply

Your email address will not be published. Required fields are marked *