बीजेपी विधायकौं माॅग, कोरोना संक्रमण रूकणा खातिर फिर लगये जाव लाॅकडाउन

देहरादूनः  बुधवार कुणी सबसे ज्यादा 1061 केस समणी आयी, अब तकन संक्रिमितौं संख्या 27 हजार आंकड़ा पार ह्वे ग्यायी। कोरोना संक्रमण पूर देश मा तेजी से फैलणा छ। उत्तराखण्ड मा कोरोना वायरस देर से पौंछी, शुरूवात स्थिति मा काफी नियंत्रण मा छेयी लेकिन जन जन अनलाॅक मा नियमौं तै ढील दीये ग्यायी अर कोरोना संक्रमण तेजी से बढण लगी ग्यायी। स्थिति या छ कि 6 महीना मा संक्रमितौं संख्या 27 हजार पार ह्वे ग्यायी। सक्रमण तै काबू मा रखणा बाबत अब एक बार फिर लाॅकडाउन कन की माॅग उठण लगी ग्यायी। हालांकि स्वास्थ्य विभाग अधिकारी यीं बाबत सहमत नी छन। पहाड़ से लेकन मैदान तकन क्वी जिला इन नी छ कि जख रोज कोरोना मामला समणी नी आणा ह्वाव। संक्रमण चपेट मा सबसे ज्यादा चार जिला, हरिद्वार, देहरादून उधमसिंह नगर अर नैनीताल प्रभावित छन।

सतर्कता ही बचाव छ।

इन मा एक बार फिर लाॅकडाउन माॅग जोर पकड़न लगी ग्यायी। सत्ताधारी पार्टी भाजपा राजपुर विधायक खजानदास अर बदरीनाथ से विधायक महेन्द्र भट्ट बुलण छ कि एक बार फिर से लाॅकडाउन करे जाण चियांद ताकि स्थिति पर नियंत्रण करे जै सक्याव। दूसर तरफ डीजी हैल्थ अमृता उप्रेती बुलण छ कि बढद संक्रमण एक चैलेंज त छ लेकिन लाॅकडाउन समाधान नी छ, पूरी सतर्कता दगड़ी ये तै फेस कन ही एकमात्र रस्ता छ।

Leave a Reply

Your email address will not be published. Required fields are marked *