यमकेश्वर विधायक ऋतु खण्डूरी न सुणीन बैठक मा क्षेत्रीय जन समस्या

यमकेश्वर विधायक श्रीमती ऋतु खण्डूरी भूषण न आज नीलकण्ठ क पीपलकोटी मा स्थानीय रैवासीयू दगड़ी बैठक करी कन उकी समस्याओ तै सूणी अर उकी समस्याओ क तुरंत निवारण बाबत सम्बंधित अधिकारियों तै निर्देश देन।

यमकेश्वर विधायक ऋतु खण्डूरी भूषण न बताया कि यमकेश्वर क्षेत्र अंतर्गत उन तमाम विकास काम कर वेन चायी धमन्दा मा सड़क निर्माण ह्वाव, ढोसन ,दिउली मा पेयजल योजना हो,तलाई तक सड़क निर्माण हो, नीलकण्ठ मा सफाई बाबत कूड़ा वाहन ह्वाव,उमड़ा बिटी सिन्दूडी सड़क ह्वाव, या उमड़ा गाँव मा सड़क निर्माण कार्य ह्वाव, वखि उक द्वारा तल्ली आमड़ी खातिर सड़क स्वीकृत करी कन 4.5 लाख की धनराशि जारी भी करयाल , इन सब्बि काम उक द्वारा यमकेश्वर मा करयाणा छन, अर एथ भी उ विकाश कार्यो बाबत लागातर प्रयासरत छन।ये दगड़ मा उन उत्तराखण्ड सरकार द्वारा कोरोनॉ काल मा कन क्वे कन प्रदेश तै संभाली अर जनता तक सरकारी मदद पहुचाण बाबत ,रोजगार खातिर मुख्यमन्त्री द्वारा व्याज मुक्त ऋण देकन रोजगार क मौका पैदा करिन, अटल आयुष्मान कार्ड से आज निशुल्क इलाज सरकार के द्वारा करयाणा च ।इन तमाम योजनाओ तै उकी सरकार न जनता तक पहुचायी।

विधायक मीडिया प्रभारी अलकेश कुकरेती न बताया की यमकेश्वर विधायक न जुलेड़ी छेत्र पंचायत अंतर्गत डोरणा गांव मा 3 लाख से निर्मित पुलिया भी लोकापर्ण करि जैमा क्षेत्र कई गांव क लोगो तै फायदा ह्वाल,
ये दगड़ी राजकीय इंटर कॉलेज दिउली मा विधायक निधि बिटी 2 कंप्यूटर भी स्कूल तै देन।

ये मौका पर जिला उपाध्यक्ष विक्रम रौथाण, वरिष्ठ कार्यकर्ता पंडित महिमानंद भट्टकोटी, नीलकण्ठ स्वर्गश्राम मंडल अध्यक्ष गुरूपाल बत्रा, विधायक प्रतिनिधि विनोद जुगलान, विधायक निजी सचिव विजेंद्र बिष्ठ , मंडल मंत्री धर्मवीर पंवार, समाजसेवी नवीन शर्मा, कोमल ,जुलेड़ी छेत्र पंचायत सदस्य हरदीप कैंतुरा,हरेंद्र पयाल, जिला मंत्री नीरज कुकरेती,ग्राम प्रधान पुष्पा देवी,दिउली ग्राम प्रधान उर्मिला देवी, सुरजीत राणा, बिजेंद्र बिष्ठ, विज्जी रावत, कुसुम कुकरेती समेंत काफी लोग उपस्थित छ्यायी।

Loading...

Leave a Reply

Your email address will not be published. Required fields are marked *