यमकेश्वर विधायक ऋ़तु खण्डूरी न द्वारीखाल चेलूसैण मा 70 दिव्यांगौं तै उपकरण देकन उंक मनोबल बढायी

द्वारीखालः  मीडिया प्रभारी अल्केश कुकरेती : देश प्रधानमंत्री नरेन्द्र मोदी जलमदिन उपलक्ष मा मनये जाण ह्वाळ सेवा सप्ताह कायक्रम तहत आज यमकेश्वर विधायक ऋतु खण्डूरी भूषण न यमकेश्वर विघानसभा द्वारीखाल क चेलूसैण मा आज 70 दिव्यागौं तै व्हीलचीयर, वॉकर, बैसाखी अर छड़ी द्यायी। ये दगड़ी कोरोना बगत मा उत्कृष्ट काम कन ह्वाळी 70 आशा कार्यकर्ताओं अर डॉक्टरौं तै प्रशस्ति पत्र देकन सम्मानित करी।

           ये कायक्रम मौका पर यमकेश्वर विधायक ऋतु खण्डूरी न ब्वाल कि जलमदिन क उपलक्ष मा सेवा सप्ताह तहत आज हमर 70 दिव्यांग भाई बैणयूं तै व्हील चेयर, बैसाखी, छड़ी दिये ग्यायी, उन ब्वाल कि सेवा सप्ताह तहत भाजपा महिला मोर्चा द्वारा अनेकौं इन काम करयाणा छन जू समाज खातिर बौत जरूरी छन, चाही उ स्वच्छता अभियान ह्वाव या कुपोषित बच्चौं अर महिलाऔं तै पौष्टिक भोजन या फल वितरण ह्वाव या हमर दिव्यांग भै बैण्यौं बाबत जरूरी सामान।

   यमकेश्वर विधायक न इन भी ब्वाल कि लगातार क्षेत्र मा जनता दगड़ी समन्व्य बणै करन काम कना छ अर लगातार विकास कार्यो तै पूर कनी छ। ये दगड़ी उन कोरोना बगत मा बेहतरीन काम कना खातिर 60 आशा कार्यकर्ता अर डॉक्टरौं तै पीपीई किट अर प्रशस्ति पत्र देकन सम्मानित भी करी। यमकेश्वर विधायक न वरिष्ठ कार्यकर्ता बलबीर सिंह भण्डारी अकस्मात निधन हूण पर दुख जतै कन उंक घर जैकन परिजनौं तै सांत्वना द्यायी।

           ये मौका पर मण्डल अध्यक्ष अर्जुन भण्डारी, सुमा देवी, नीलम देवी अनिता कुकरेती, महामंत्री नरेश नैथाणी, सक्षम जिलाध्यक्ष, कपिल रतूड़ी, विधायक प्रतिनिधि, अश्वनी गुप्ता, गौरव सुयाल, रेनू उनियाल, विजेन्द्र विष्ट, अनिता भडांरी, मनोज बलूनी, कनिष्ठ प्रमुख रविन्द्र रावत, मस्तान सिंह, सुभाष नेगी, डबल सिंह, मनीष जुयाल, मनोज गुसाईं, राजेन्द्र रावत कार्यक्रम मा उपस्थित छ्यायी।

 

Loading...

Leave a Reply

Your email address will not be published. Required fields are marked *