रतब्याणी मा हूण ह्वाळी बरखा अर औडळ कारण जान माल हानि, कोटद्वार मा गदन पाणी भीतर बैठण कारण तीन लोगू मौत

आज मंगळवार दिन रतब्याणी मा हूण ह्वाळ तेज बरखा अर औडळ जगहा जगहा तबै मचै द्यायी। कोटद्वार मा मानसून की या पैली बरखा हूण से ही गदन भरे गेन, वखी बरखा पाणी मा अचाणचक करंट फैलण से तीन छ्वारों मौत ह्वे ग्यायी। बतयाणा छ कि कोटद्वार मा कौड़िया अर आमपड़ाव मा कत्यूं घर मा बरसात पाणी भरे ग्यायी। लोगू घर मा लाखों सामान बरबाद ह्वे ग्यायी। खबर मिलदी सार प्रशासन टीम भी मौका परै पौछीं ग्यायी। वखी देहरादून में कत्ती जगह पाणी भरे ग्यायी। लोग सुबेर उठ्ठी कन घर बटी पाणी सुरद नजर ऐन। वखी ऋषिकेश बटी उत्तरकाशी सड़क मा हिडोलाखाळम मलबा आण से बाटू बंद ह्वे ग्यायी। पुलिस मुताबिक छ्वटी गाड़ियो खुणि रस्ता खुले ग्यायी। मौसम विभा ग प्रदेश मा भोळ बिटि तीन दि भारी बरखा हूण खातिर चंट चितवळू हूण कुणी बुल्यूं।

Leave a Reply

Your email address will not be published. Required fields are marked *