नौन दगड़ी स्कूल पढ़णा खाति स्कूल्या ड्रेस पैहनी कन पौंछी ग्यायी स्कूल

मन मा अगर कुच्छ करण जुनून अर इच्छा शक्ति च त उम्र भी रूकोट नी बणी सकदी। यी सब्ब करी कन दिखायी त्यूणी की सरनाड पानी गौं रैवासी 35 साल की रेखा न। रेखा क द्वी नौन्याळ छन, वींक नौन संदीप जीआईसी त्यूणी मा नवीं दर्जा मा पढद। वखी बेटी प्रीति न यीं बार दसवीं कक्षा की परीक्षा दीयीं। अब रेखा भी अपर नौन जणी पढण लिखण चाणा। वा चांद कि वा नौवीं दर्जा पास करो। उंक जज्बा तै देखी कन स्कूल प्रधानाचार्य देवी सिंह शाह तरफ बटी वीं तै दर्जा मा बैठण अनुमति दीयाल। स्कूल प्रधानाचार्य न बतै कि पैल उन मजाक समझी, लेकिन जब उंक पति धर्म सिंह तै बुलैकन ये बाबत पता करी त उन भी बतै कि रेखा पढण चांदी। जै बाद रेखा तै दर्जा मा बैठण की अनुमति दी ये ग्यायी। हालांकि अजों वींक स्कूल मा एडमिशन नी ह्वायी। खण्ड शिक्षा अधिकारी शूल चंद बतै कि रेखा प्राईवेट से नौवीं कक्षा पास कर सकदी, जै तै देखीकन स्कूल प्रधानाचार्य न उंते कक्षा मा बैठण की इजाजत दियाल। रेखा की उमर देखी कन वीं तै रेगूलर एडमिशन नी दिये जै सकदू। वीं से नौवीं प्राईवेट फॉर्म भरवे जाल।

 

Leave a Reply

Your email address will not be published. Required fields are marked *