संसद अनिल बलूनी की सुन्दर पहलः क्वादू झुंगरा क भी समर्थन मूल्य घोषित ह्वाव।

भाजपा क राष्ट्रीय मीडिया प्रमुख अर राज्यसभा सांसद अनिल बलूनी न त्रिवेन्द्र रावत सरकार कुणी क्वादू, झुगरू, गहथ, राजमा जणी पहाड़ी उत्पादू क समर्थन मूल्य घोषित करण कुणी आग्रह करीं। बलूनी न इतवार दिन सीएम त्रिवेन्द्र रावत कुणी ये बाबत चिठ्ठी भेजी जैमा उन लिख्यूं कि उत्तराखण्ड मा यूं की बड़ी मात्रा मा पैदावार हूंदी। यूं उत्पादू खातिर राज्य की जलवायु अनुकूल च अर यूंक उत्तराखण्डी खाणो मा खास जगह च, तब यूंक संरक्षण अर संव़र्द्धन कन जरूरी च। उन ब्वाल कि पहाड़ी क्षेत्र क किसान परंपरागत ढंग से यूं तै बुतणा अर झुगाळी कन फसल तैयार कना छन जै मा बौत मेहनत लगदी। लेकिन ये कारण उंते उचित दाम नी मिली पांंद, किलै कि यी उत्पाद सरकरी खरीद से बंचित छन। सिंरफ यी नाज पहाड़ लोगू दूसर राज्य मा रैवास कन ह्वाळू अपर भे बंधू अर रिश्तेदारू तै बांट दे करदन। एक जणी दिखे जाव त यी नाज किसाणू की आमदनी क बजाय सेवा क रूप मा नजर ऐ करदू। उन ब्वाल कि अगर यूं नाज क समर्थन मूल्य सरकार तय करी कन यूंक संरक्षण अर यूंक उत्पाद की दिशा मा विचार करद त ये मा क्वी शक नी च कि स्थानीय किसान ये तै बुतण मा रूचि ल्याल अर बजार मा यूं उत्पादू की मॉग प्रदेश क किसाणू तै आमदनी कमाण क एक जरिया बणल।

Loading...

Leave a Reply

Your email address will not be published. Required fields are marked *