नवजात तै मंदिर की चौखट पर छ्वाड़ी, ये बाबत पुलिस जॉच पड़ताळ मा जुटी

एक नवजात तै क्वी ंमंदिर की चौखट पर छोड़ी कन चली ग्यायी। रतखुळ मा जब लोगू न थिकुळ पर लिपटियूं नवजात क रूणे की आवाज सूणी तउ उन तत्काल येकी खबर पुलिस तै द्यायी। मौका पर पौंछी पटेलनगर कोतवाली पुलिस न 108 की मदद से बच्चा तै दून महिला अस्पताळ मा भर्ती करायी। बच्चा तै निक्कू वार्ड मा रखे ग्याय अर अजों उ भी स्वर्थ च। पुलिस बच्चा क परिजनू की खोजबीन मा जुटी ग्यायी। जाणकारी मुताबिक मंगलवार तड़का पथरीबाग स्थित राम मंदिर क भैर एक बच्चा की रूण आवाज सुणीकन आसपास क लोग मंदिर मा पौछीन। मंदिर क गेट पर टेबल मा एक नवजात कपड़ा मा लिपटयूं। लोगू न तुरंत येकी सूचना पुलिस तै दे द्यायी। सूचना पर पटेलनगर कोतवाली मा चीताकर्मी मौका पर पौंछी अर बच्चा तै कब्जा मा लेकर आसपास क लोगू से जानकारी ल्यायी।
बच्चे क माता पिता क नी चलण पर चीता कर्मियूं न 108 की मदद से नवजात तै दून महिला अस्पताल जच्चा- बच्चा वार्ड मा भर्ती कर दिये ग्यायी। कोतवाली पटेलनगर इंस्पेक्टर सूर्यभूषण नेगी न बतै कि फिलहाल बच्चा तै दून महिला अस्पताल क निक्कू वार्ड मा भर्ती अर स्वस्थ च। बच्चा क ब्वे बुबा क बाबत जानकारी जुटये ग्यायी। ये संबंध मा बाल कल्याण समिति अध्यक्ष तै अलग से रिपोर्ट भेज दिये ग्यायी।

Loading...

Leave a Reply

Your email address will not be published. Required fields are marked *