नवनिर्वाचित सांसद तीरथ सिंह रावत न ल्यायी नीलकंठ आशीर्वाद, वैक बाद सुणीन विधायक दगड़ी जनसमस्या

पौड़ी गढवाल क नवनिर्वाचित सांसद तीरथ सिंह रावत यमकेश्वर विधानसभा दौरा पर छन। आज सांसद तीरथ सिंह रावत यकमेश्वर विधायक ऋतु खंडूडी दगड़ी नीलकंठ मंदिर पौंछीन अर भगवान नीलकंठ की पूजा अर्चना करी। येक बाद उन दीउली, पोखरीखाल, बिनक, मागथा, ह्वे कन कैम्प कार्यालय प्रधान संगठन यमकेश्वर अट्आ पौछीन, जख यमकेश्वर प्रधान संगठन क अध्यक्ष दिनेश भट्ट न क्षेत्र सब्बी प्रधान दगड़ी उंक आवा भगत करी, जनता प्यार देखी कन तीरथ रावत कलजुस्या (भावुक) ह्वे गेन। तीरथ सिंह रावत न जनता तै संबोधित करी कन ब्वाल कि म्यार पल पल हर बगत जनता खातिर च, अर उ हर एक विकास काम कुणी पूर कना खातिर अपर वादा पर अडिग छन, क्षेत्र की जनता उसे हर बगत सम्पर्क कर सकदी, अर व हर बगत जनता बीच मा राल। उन पार्टी कार्यकर्ताओं क दिल से धन्यवाद करीं। यमकेश्वर विधायक ऋतु खंडूडी न नवर्विचित सांसद स्वागत करी अर बतै कि पूर यमकेश्वर विधानसभा न उतैं 73 प्रतिशत मत देकन भारी मतों से विजय बणायी। यमकेश्वर विधानसभाग की भौगोलिक परिस्थति अनुसार यख विकास तै सांसद जी अर गति द्याल येक उंते पूर भरोसू च।

Loading...

येक बाद उ तुंगखाल, कांडी, भृगुखाल ह्वे कन दुगड्डा निकळी गेन। उंक ये दौरा मा राज्य सहकारी बैंक उपाध्यक्ष महावीर प्रसाद कुकरेती, मंडल अध्यक्ष, विक्रम सिंह रौथाण, प्रधान संगठन अध्यक्ष, दिनेश भट्ट, विधायक प्रतिनिधि विजेन्द्र बिष्ट,अजय रावत, डॉ अवनीश नौटियाल, विनोद जुगलान, सत्या हर्षवाल, बलदेव प्रसाद कुकरेती, यमकेश्वर बीजेपी मीडिया प्रभारी अल्केश कुकरेती मौजूद रैन।

Loading...

Leave a Reply

Your email address will not be published. Required fields are marked *