उत्तराखंड गुरुजीयूँ केजरीवाल दिल्ली मॉडल स्कूलों तै बते ऐना , हम तै गर्व छ यूँ गुरुजन अर उकी टीम पर

उत्तराखंड गुरुजीयूँ केजरीवाल दिल्ली मॉडल स्कूलों तै बते ऐना , हम तै गर्व छ यूँ गुरुजन अर उकी टीम पर

लॉकडाउन मा बदली द्याय दुर्गम मॉडल स्कूल सूरत

चोपता चमोली:   आजकल सोशल मीडिया बिटी आम आदमी पार्टी उत्तराखंड क सरकारी स्कूलों की दिल्ली स्कूलों तै तुलना कना छन। अपर दिल्ली क स्कूलों तारीफ करी कन सोशल मीडिया मा लोगू से बुलना छन कि अगर हम 2022 मा उत्तराखंड की सत्ता मा ऐ ग्यायी त उत्तराखंड सरकारी स्कूलू तै भी दिल्ली जणी बणे द्योला । लेकिन उ इन सरकारी स्कूलू की बात नि कना जू पैल बिटी मॉडल स्कूल बण्या छन अर जख बेहतर सुविधा छन। आज बात इनि एक स्कूल की….

एक प्यारा सा स्कूल!

चोपता, चमोली। कोविड बगत मा इन बणी ठणी कन खड़ छू आशाओं से भर्यू एक प्यारा सा स्कूल। बुना ह्वाल जन कि मि त तैयार छो तुम कख छ्यौ, कख छन हमर स्कूलया नौनयाळ, स्कूल घण्टी, गुरुजी, अर भोजनमाता। भलू सी स्वाणु! जब चारो तरफ कोविड-कोविड चलना छ्यायी त इन माॅडल स्कूल चोपता क शिक्षक साथी अपन धुन मा लग्या छ्यायी ये तै सजाण धजण मा । यूँ सब्यूँ बाबत कभी मिस्त्री तै बुलाण त कभी पेंटर तै मनाण, बीच-बीच मा बिलों की फाइल तैयार करी कन एथर काम बाबत रकम जुटाण। भै ये सब आसान तो नि छ , लेकिन बेहतर कन बाना मन मा ठाणी कन बैठ्या शिक्षकों, समुदाय अर सहयोग कन ह्वाल अधिकारियों खातिर इत्ता कठिन भी नि छ।

हां जी! माॅडल स्कूल चोपता क शिक्षकजन अर समुदाय न बढ़िया सी बणे द्याय स्कूल तै। देखिकन ही मजा आणा । स्कूल मा भरपूर पुस्तकालय छन, प्रोजेक्टर छन्न, बैठण खातिर शानदार व्यवस्था छ, सब्बि विषयों अध्यापक छन्न, अब तो सच मा ह्वे ग्यायी न माॅडल स्कूल। अब बच्चों तै सीखण-सिखाण प्रक्रियाओं तै होर बेहतर कन बारी छ। ताकि हर बच्चा भाषा-गणित-परिवेशीय अध्ययन गहरी समझ बणाण दगड़ी ही उक प्रकटीकरण भी कर सको । बच्चों तै संवैधानिक मूल्यों से लबरेज बणाण बाबत समुदाय संदर्भ व्यक्तियों तै न्यूतण , बच्चों तै समुदाय मा सीखने-समझण बाबत लेकन जाण,, विद्यालय स्तर पर दीवार अखबार अर पत्रिका प्रकाशन, बच्चों तै अधिकाधिक भाषाओ मा पत्र लेखन क कौशल से भरपूर त लेकन योजना बणाण अर वै तै पूर कन बाबत समुदाय अर अन्य सहयोगियों तै दगड़ मा लीण जरूरत ह्वेली।

दगड़ा दगड़ी ये काम बाबत शिक्षक साथी नरेन्द्र सिंह भण्डारी, परमानंद सती, गजेन्द्र सिंह नेगी, अंजली रतूड़ी, समुदाय शिक्षिका मीनाक्षी रावत, भोजनमाता गीता देवी व सुशीला देवी, एसएमसी अध्यक्ष यशवंत रावत, खुशहाल सिंह टोलिया उपशिक्षा अधिकारी अर समग्र शिक्षा अभियान क समन्वयक नरेन्द्र सिंह खत्री व जिला शिक्षा अधिकारी प्रारम्भिक शिक्षा श्री हल्दयानी जी कुणी भी भौत भौत धन्यवाद।

श्री जगमोहन चोपता बिटी।

Loading...

Leave a Reply

Your email address will not be published. Required fields are marked *