खुश खबरीः सुमाड़ी मा ही बणल एनआईटी, जयपुर बिटी श्रीनगर बौड़ी कन आल विद्याथी

उत्तराखण्ड मा राष्ट्रीय प्रौद्योगिकी संस्थान (एनआईटी) सुमाड़ी श्रीनगर मा ही स्थापित ह्वाळ। ये तै लेकन पिछल बौत टैम बिटी बड़ू घमतोळ हुयीं छेयी यीं स्थिति पर दिल्ली मा उर्यूं मानव संसाधन विकास मंत्रालय बैठक बाद घमतोळ बादळ छटें गेन।
बैठक मा केन्द्रीय मानव संसाधन विकास मंत्री डॉ रमेश पोखरियाल निशंक न ब्वाल कि ये कुणी 309 एकड़ मनन 203 एकड़ जमीन सै पये ग्यायी। वीं जगह पर स्थायी परिसर निर्माण करे जाल। दिल्ली मा उर्यूं बैठक मा सहमति बणन बाद एनआईटी आण ह्वाळ सत्र मा शिक्षा सत्र अस्थायी परिसर श्रीनगर मा शुरू करे ग्यायी। वखी एनआईटी जयपुर बिटी विद्यार्थियूं तै सुमाड़ी लाणा खातिर उच्च स्तरीय समिति बणये जाली।
येक अलावा प्रवेश पूरी प्रक्रिया श्रीनगर मा ह्वेली। केन्द्रीय मंत्री न ब्वाल कि सुमाड़ी मा युद्ध स्तर पर काम करवे कन एनआईटी बणये जाल। बैठक मा यी भी निर्णय लिये ग्यायी कि सितम्बर पैल हप्ता मा स्थायी परिसर सुमाड़ी शिलान्यास करे जाल। बैठक मा उच्च शिक्षा मंत्री धन सिंह रावत, सांसद पौड़ी तीरथ सिंह रावत, अपर मुख्य सचिव ओम प्रकाश मौजूद छ्यायी।