10 सीट वैन मा बैठ्या छ्यायी 22 लोग, एक ही गौं मा नौ नौन्याळू किलकरी सदनी खुणि ह्वेगे सुनपट्ट

उत्तराखण्ड टिहरी जिला प्रतापनगर प्रखण्ड मा लंबगॉव- मदन नेगी सड़क पर कंगसाली समणी स्कूल मैक्स कैब दुर्घटना ग्रस्त हूण से वै बैठी सवरी कंगसाली गौं नौ बच्चों उखमी मौत ह्वे ग्यायी। 11 बच्चा घैल छन, यूं मनन गंभीर रूप मा घैल चार बच्चों तै एयर लिफ्ट आर एक तै एंबुलेंस बिटी ऋषिकेश एम्स मा रेफर करे ग्यायी। हादसा बाद एसएसपी सिटी न चेकिंग मा लापरवाही पर पिपलडली चौकी प्रभारी मयंक त्यागी अर कांस्टेबल दुर्गेश कोठियाल तै संस्पेंड करी द्यायी।

सड़क दुर्घटनौं पर अंकुश लगाण खातिर परिवहन विभाग चैंकंग अभियान मुख्य सड़क तक नही सिमटी रै ग्यायी। गळीयूं मा लोग उटपटांग ढंग से गाड़ी चलै करदन क्वी दिखण ह्वाळ नी छ। ब्रांच रूट पर त क्षमता से ज्यादा सवारियूं तै ठूस ठूसी कन लि जाण शिकैत मिलणा रंद। कंगसाली मा हूण ह्वाळ यू भयानक सड़क हादसा ज्वा भी वजह रै ह्वेली, लेकिन जन मैक्सी कैब मा 10 सीट क्षमता ह्वाळ मा 20 बच्चों समेत 22 लोग बैठळयां छ्यायी, ये मा परिवहन विभाग चेेंकंग अभियान पर सवाल उठणा छन।

प्रतापनगर ब्लॉक कंगसाली मा आज मंगळवार सुबेर साढे सात बजे स्कूल गाड़ी दुर्घटना न सब्बी तै झकझोर द्यायी। मैक्सी कैब मा क्षमता से ज्यादा बच्चा बैठंळण पर स्कूल प्रबन्धन ये पर रोक किलै नी लगायी, अब यी सवाल अभिभावक पूछणा छन। परिवहन विभाग न स्कूल बसों मा सीसीटीवी कैमरा अर जीपीआरएस लगाण समेत कत्ती मानक बणयां छन, लेकिन जिम्मेदार स्कूल प्रबंघन आर वाहन संचालक येक पालन नी कना छन। क्षेत्र चंट चितवळ लोगू बुलण छ कि जिला मुख्यालय समेत चंबा, घनसाली, चमियाला, बूढाकेदार, लंबगॉव, जाखणीधार, कंडीसैड़ समेत बौत गौं बच्चा मैक्सी कैब मा ऐ जै करदन। स्कूल अदीन जदींन, यी स्थिति मा स्कूल्या गाड़ियू खितर निर्धारित मानकौ तै हर हाल मा उं तै मनवये जाण चियांद।

ब्रांच रूट पर बगत बगत पर चैंकिंग दगड़ी जागरूकता अभियान भी चलये जांद। कंगसाली समणी जू मैक्सी कैब हादसा ह्वायी वै मा 10 सवरी ली जाण क्षमता छ। दुर्घटना कारण अजों तकन पता नी चल पायी।

ब्रांच रूटों पर समय.समय पर चेकिंग के साथ ही जागरूकता अभियान भी चलाया जाता है। कंगसाली के पास जो मैक्सी कैब दुर्घटनाग्रस्त हुई हैए उसकी क्षमता 10 सवारियां ढोने की है। दुर्घटना का कारण अभी स्पष्ट नहीं हो पाया है।

Leave a Reply

Your email address will not be published. Required fields are marked *