ओवरस्पीड बणी काल, पलक झपकदी सार नदी मा समें ग्यायी सवरियू भरी यूटिलिटी,

ओवरस्पीड बणी काल, पलक झपकदी सार नदी मा समें ग्यायी सवरियू भरी यूटिलिटी,

देहरादून क विकासनगर मा बाड़वाला-जुड्डो संपर्क मार्ग पर हथियारी समणि सोमवार कुणी हूँण ह्वाल हादसा यूटीलिटी बेलगाम रफ्तार वजह से बतायाणा च। एसएसपी अरुण मोहन जोशी निर्देश पर जांच कना खुणी जयी पुलिस अधिकारियूँ टीम न अपरी रिपोर्ट मा हादसा यी कारण बतायी।

पुलिस अधिकारी अपर दगड़ परिवहन विभाग टीम भी लेकन गेन। टीम अवलोकन कन बाद देर ब्यखन तकन अपरी रिपोर्ट सौंप दियाल । दुर्घटना बगत यूटिलिटी तेज रफ्तार मा छेयी। मोड़ पर चालक वाहन पर नियंत्रण नी रख साकी अर यूटिलिटी सड़क बिटी तळ यमुना नदी मा समे ग्यायी। मोड़ समणि क्वी भी चेतावनी बोर्ड लगयूं छ्याय। सुझाव दिये ग्याईं कि घटनास्थल पर नदी किनर पैराफिट बणाण दगड़ी चेतावनी बोर्ड लगाण जरूरी च।

पुलिस न मंगलवार कुणी बरामद एक जनानी अर तीन लरख्यर लाश तै पोस्टमार्टम बाद परिजनों तै सौंप दयायि। यूँक हरिपुर यमुना नदी घाट पर गत्ती करे ग्यायी। कालसी थानाध्यक्ष विपिन बहुगुणा न बतायी कि मृतकू पहचान लाखीराम (28) नौंन उणिया रैवासी बनगांव थाना कैंपटी जिला टिहरी गढ़वाल, गेंदा (45) नौंन केवलू, साइना (32) घरवली गेंदा द्वी रैवासी घणता तहसील चकराता अर विक्की (23) नौन जगालू रैवासी लावड़ी लाखामंडल चकराता रूप मा ह्वाई । वहीं, दीपक उर्फ छोटू नौंन भरत लाल रैवासी खरसौन नैनबाग टिहरी गढ़वाल अर नवीन नौंन अन्नो रैवासी ग्राम दौरो लाखामंडल अब भी लापता छन।

बतये ग्यायी कि मृतक चकराता तहसील क्षेत्र लावणी, घणता अर टिहरी जिला बनगांव रैवासी छ्यायी । वहीं, लापता लोग नैनबाग अर दोरो लाखामंडल क्षेत्र क बतयाणा छन। विधायक मुन्ना सिंह चौहान, एसपी देहात परमेंद्र डोभाल, एसपी ट्रैफिक प्रकाश चंद्र आर्य भी घटना स्थल पहुंची कन रेस्क्यू ऑपरेशन जायजा ल्याई।

Leave a Reply

Your email address will not be published. Required fields are marked *